Аквапаркі ў Беларусі

Аквапаркі Беларусі – у спісе самых папулярных месц актыўнага адпачынку жыхароў і гасцей краіны. Экстрэмальныя спускі, "горныя рэкі" і басейны з хвалямі, расслабляючыя спа-рытуалы і тэрмальныя комплексы для аздараўлення і амаладжэння, водныя забавы з прафесійнымі аніматарамі для дзяцей – беларускія аквапаркі прапануюць адпачынак на любы густ.

Калі вы хочаце стаць героем "пляжнай" вечарынкі, адчуць шчырае захапленне ад водных прыгод або проста адпачыць ад мітусні, аквапарк – сапраўды цудоўны выбар. Многія аквапаркі Беларусі маюць гасцінічныя комплексы або знаходзяцца ў санаторыях, прапануючы наведвальнікам камфортныя нумары, зоны адпачынку і дадатковыя магчымасці.

Аквапарк "Лябяжы"

Буйнейшы парк водных забаў у Беларусі, пяты па велічыні ў Еўропе, – "Лябяжы" займае пачэснае месца ў топ-25 лепшых аквапаркаў кантынента. Ён размешчаны ў экалагічна чыстым раёне Мінска побач з унікальным біялагічным заказнікам "Лябяжы" – у межах мегаполіса гэта сапраўды рэдкасць! – на беразе вадасховішча Дразды.

Адрас: г. Мінск, праспект Пераможцаў, 120
Час работы: Пн – Пт  11:00-23:00
                      Сб – Нд 09:00-23:00
Тэрыторыя: пяціўзроўневы комплекс, плошча 32 135 квадратных метраў
Колькасць горак:

• закрытая зона – 7 горак
• адкрытая зона – 4 горкі
• басейн "лянівая рака"
• сёрфінг-трэнажор "Flowrider
•  атракцыён "Дажджавы грот"

Дзіцячая зона:

• 2 дзіцячыя водныя гарадкі (у закрытай і адкрытай зонах)
• забаўляльны цэнтр "KaZki" – больш за 40 разнастайных гульнявых атракцыёнаў, сярод якіх механічны музычны тэатр і 3D-лабірынт
• касмічны забаўляльны цэнтр Dark Ride (атракцыёны віртуальнай рэальнасці і гульнявыя аўтаматы)

Спа:

• розныя спа-праграмы
• гідратэрапія
• таласатэрапія
• стоўн-тэрапія
• усе віды масажу
• сухі floating
• касметалогія твару і цела
• пакой солетэрапіі і рэлаксу
• водна-тэрмальны комплекс (руская парыльня, фінская саўна, турэцкі хамам, лаконіум, тэпідарыум, калдарыум)

Спорт:

• трэнажорная зала
• 2 фітнес-залы
• зона баявых мастацтваў
• аквааэробіка
• workout-зона

Харчаванне: 3 кафэ, 4 бары
Пражыванне: "Аква-Мінск" – двухзоркавы атэль на беразе вадасховішча "Дразды". Пражыванне магчыма як у будынку атэля, так і ў двухпавярховых гасцявых доміках тыпу бунгала. Гасцям прадастаўляецца магчымасць бясплатнага наведвання аквазоны парку водных забаў і трэнажорнай залы на працягу ўсяго часу пражывання.
Дадатковыя магчымасці:

• вейкбордрынг, SUP-сёрфінг
• пракат катамаранаў
• пракат веласіпедаў, скейтаў, электраскейтаў
• катанне на маторным катары, яхце
• скачкі на батуце

Аквапарк "Фрыстайл"

Мінскі "Фрыстайл" – унікальнае месца не толькі для Беларусі, але і свету. Пад адным купалам тут аб'яднаны атракцыёны водных забаў для наведвальнікаў, лазнева-тэрмальная зона, а галоўнае, высокатэхналагічны, які не мае аналагаў, крыты комплекс для фрыстайлістаў. Акрамя таго, створаны лепшыя ўмовы для трэніровак і спаборніцтваў па скачках з трампліна і сінхронным плаванні. У аквапарку ўсе жадаючыя могуць атрымаць асалоду ад водных забаў і спа-тэрапіі, а таксама паназіраць за трэніроўкамі прафесіяналаў. Вялікім попытам у гасцей карыстаецца асаблівы атракцыён комплексу – гідраўлічная катапульта.

Адрас: г. Мінск, вул. Сурганава, 4а
Час работы: Пн – Пт 11:00-22:00
                      Сб – Нд 09:00-22:00
Колькасць горак: 6 горак, "лянівая рака"
Дзіцячая зона: дзіцячы водны гарадок з двума басейнамі
Спа:

• лазнева-тэрмальны комплекс ("снежны пакой", тэпідарыум, паравая лазня, тэрма, руская і фінская лазні, хамам)
• floating-цэнтр
• спа-праграмы і рытуалы

Спорт: 

• трэнажорная зала
• фітнес-зала
• аквааэробіка

Харчаванне: кафэ, 2 бары на тэрыторыі лазнева-тэрмальнага комплексу, міні-кафэ на тэрыторыі дзіцячага гульнявога комплексу, бар у зоне боўлінга і більярда
Дадатковыя магчымасці:

• більярд 
• боўлінг

Аквапарк гасцініцы "Беларусь"

Фізкультурна-аздараўленчы комплекс, размешчаны ў гасцініцы "Беларусь", уключае ў сябе басейн з элементамі аквапарку, фінскую саўну і трэнажорную залу. Інтэр'ер самога басейна прыцягвае ўвагу наведвальнікаў: над стварэннем мазаічнага пано "Беларусь", якое ўпрыгожвае сцены памяшкання, працаваў вядомы беларускі мастак Аляксандр Кішчанка. Варта адзначыць таксама выдатную інфраструктуру, паколькі атэль знаходзіцца ў цэнтры горада.

Адрас: г. Мінск, вул. Старажоўская, 15
Час работы: Пн  14:00-23:00
                      Аў – Нд 07:00-23:00
Тэрыторыя: знаходзіцца на першым паверсе гасцініцы "Беларусь"
Дзіцячая зона: дзіцячы басейн
Спа: 

• СПА-працэдуры і масаж у салоне прыгажосці
• саўна
• джакузі
• падводны масаж
• кедравая бочка

Спорт: трэнажорная зала
Харчаванне: рэстаран з агляднай пляцоўкай на вышыні 73 метры, 2 кафэ
Пражыванне: 484 нумары гасцініцы "Беларусь" розных катэгорый (ад стандартных да нумароў катэгорыі люкс і апартаментаў)
Дадатковыя магчымасці:

• салон прыгажосці
• пракат веласіпедаў
• аглядная пляцоўка

Аквапарк "Маладзечна"

Лядовы палац у Маладзечне прадастаўляе гасцям мноства аздараўленчых і забаўляльных паслуг. Найбольшай папулярнасцю, безумоўна, тут карыстаецца аквапарк, аснашчаны лазнева-тэрмальным комплексам і дзіцячай зонай.

Размяшчэнне: Мінская вобласць, г. Маладзечна, вул. В.Гасцінец, 102
Час работы: Пн – Пт 15:00-21:00
                      Сб – Нд 12:00-21:00
Колькасць горак: 3 горкі, басейн
Дзіцячая зона: асобная гульнявая зона для дзяцей
Спа: 

• саўна, турэцкая лазня
• джакузі
• масаж

Спорт: 

• трэнажорная зала
• фітнес-зала
• зала настольнага тэніса
• футбольная пляцоўка
• баскетбольная пляцоўка
• валейбольная пляцоўка
• тэнісны корт
• каток

Харчаванне: кафэ, 2 бары
Дадатковыя магчымасці:

• більярд
• боўлінг

"Аквацэнтр" у Гродне

Больш за трыццаць відаў спартыўна-аздараўленчых і забаўляльных паслуг прапануе гасцям гродзенскі "Аквацэнтр" – адзін з першых водных паркаў Беларусі. Сёння комплекс аб'ядноўвае тры басейны (у тым ліку самы доўгі ў Гродзенскай вобласці) з рознай тэмпературай вады, трамплінамі і воднымі атракцыёнамі, каскадамі, гейзерамі, джакузі, штучнай ракой і гідрамасажнымі струменямі.

Адрас: г. Гродна, вул. Горкага, 82
Час работы: Пн – Сб 7:00-22:00
                      Нд 10:00-22:00
Колькасць горак: 3
Дзіцячая зона: дзіцячы басейн
Спа: 

• спа-праграмы
• турэцкія лазні, фінская саўна і руская лазня з мікрабасейнамі
• масаж
• гідрамасаж
• душ Шарко

Спорт: трэнажорная і спартыўная залы
Харчаванне: кафэ, бар

Аквапарк "Азёрны"

Сумясціць аздараўленне і адпачынак можна ў аквапарку, які знаходзіцца на тэрыторыі санаторыя "Азёрны". Адметная асаблівасць басейнаў аквапарку – інавацыйная тэхналогія ачысткі вады натуральнай соллю. Дадаткова гасцям прапануюць адпачыць у спа-зоне, вывучыць прылеглыя да тэрыторыі эка-сцежкі і наведаць розныя аздараўленчыя працэдуры.
 
Размяшчэнне: Гродзенскі раён, аграгарадок Азёры
Час работы: Пн – Пт 15:30-22:00
                      Сб – Нд 11:30-22:00
Тэрыторыя: аквапарк размяшчаецца ў фізкультурна-аздараўленчым комплексе санаторыя "Азёрны"
Колькасць горак: 3
Спа: 

• трапічны душ
• снежны пакой
• ІЧ-саўна
• руская, фінская, турэцкая лазні

Спорт: трэнажорная і спартыўная залы
Харчаванне: бар, кафэ
Пражыванне: адна-трохмесныя нумары класа паўлюкс і люкс у санаторыі "Азёрны"
Дадатковыя магчымасці:

•  більярд
• боўлінг
• 2 тэнісныя корты
• баскетбольная пляцоўка
• лыжаролерная траса
• сцежка здароўя

Аквапарк "Кобрын"

Аздараўленчы цэнтр з водагразелячэбніцай і паркам водных забаў у Кобрыне прапануе гасцям шматдзённыя лячэбна-аздараўленчыя праграмы і захапляючыя туры выхаднога дня. Комплекс зручна размяшчаецца ў цэнтры Кобрына побач з гарадскім паркам.

Адрас: Брэсцкая вобласць, г. Кобрын, вул. Гастэлы, 15
Час работы: Пн – Пт 16:00-22:00
                      Сб – Нд 10:00-22:00
Колькасць горак: 4
Дзіцячая зона: дзіцячы басейн і дзіцячы гульнявы пакой
Спа: 

• 9 спа-праграм
• руская лазня, фінская саўна, турэцкі хамам
• ручны і падводны масаж
• салярый
• бескантактны гідрамасаж
• віхравыя, гальванічныя, жамчужныя ванны
• гразевыя аплікацыі
• душ Шарко
• спелеагалакамера
• цыркулярны душ

Спорт:

• спартыўная і трэнажорная залы
• аэробіка
• аквааэробіка
• валейбольная пляцоўка

Харчаванне: кафетэрый
Пражыванне: гасцініца "Беларусь"
Дадатковыя магчымасці:
У аквапарку ёсць спецыяльная гульнявая зона: тут можна асвоіць більярд, аматарам віртуальных забаў прапануюць гульні на прыстаўках. У крокавай даступнасці ад цэнтра – лыжаролерная траса і стадыён з вела- і бегавымі дарожкамі, тэніснымі кортамі, баскетбольнымі і валейбольнымі пляцоўкамі, поле для хакея на траве. Таксама госці горада могуць пабываць у ваенна-гістарычным музеі імя А.В. Суворава.

Аквапарк "Пружаны"

Водны палац у Пружанах – папулярнае месца адпачынку жыхароў і гасцей горада. Камфортны басейн з цёплай вадой, экстрэмальныя горкі, мноства вадаспадаў і танізуючых атракцыёнаў, асобная дзіцячая зона спадабаюцца ўсім, хто любіць водныя забавы.

Адрас: Брэсцкая вобласць, г. Пружаны, вул. Заводская, 19
Час работы: Пн 14:00-22:00
                      Аў – Нд 10:00-22:00
Колькасць горак: 2, атракцыён "горная рака"
Дзіцячая зона: басейн з дзіцячымі горкамі, вадаспадам і "Далінай гейзераў" 
Спа: 

• саўна
• джакузі
• вібрацыйны масаж

Спорт: спартыўная і трэнажорная залы, більярд
Харчаванне: кафэ
Дадатковыя магчымасці:
Для аматараў спартыўных забаў у крокавай даступнасці знаходзіцца лядовы палац. І сам горад прыцягвае гасцей унікальнай архітэктурнай спадчынай XIX стагоддзя: тут размешчаны сядзібны комплекс-музей "Пружанскі палацык", касцёл Узнясення Дзевы Марыі, Сабор Святога Аляксандра Неўскага, цэнтральная плошча з гандлёвымі радамі (будынак рынку XIX стагоддзя – адзін з нямногіх, што захаваліся да нашага часу). Акрамя таго, непадалёку, у пасёлку Ружаны, знаходзіцца знакаміты "беларускі Версаль"– палац роду Сапегаў.

Аквапарк "Жлобін"

Галоўная арэна горада металургаў – Цэнтр алімпійскага рэзерву Жлобіна – з'яўляецца не толькі зручнай трэніровачнай базай для спартсменаў па хакеі з шайбай, плаванні і веславанні, але і папулярным цэнтрам актыўнага адпачынку гараджан і гасцей. Комплекс аб'ядноўвае лядовы палац, плавальны басейн і аквапарк. У распараджэнні наведвальнікаў – экстрэмальныя горкі, водныя атракцыёны, зоны джакузі і гідрамасажу, расслабляючыя спа-праграмы.

Адрас: Гомельская вобласць, г. Жлобін, вул. К. Маркса, 3/1
Час работы: Ср – Пт 11:00-21:00 
                      Сб – Нд 10:00-21:00
                      Пн, Аў – выхадны
Тэрыторыя: аквапарк знаходзіцца ў цэнтры алімпійскага рэзерву г. Жлобіна
Колькасць горак: 1 горка, атракцыён "горная рака"
Спа:

• розныя спа-працэдуры
• джакузі, гідрамасаж
• руская лазня, фінская саўна, турэцкі хамам
• салярый
• масаж

Дзіцячая зона: дзіцячы басейн з горкамі і гейзерам, дзіцячы гульнявы пакой
Спорт: трэнажорная і спартыўная залы
Харчаванне: 2 кафэ
Пражыванне: гасцінічны комплекс з нумарамі розных катэгорый (стандарт, паўлюкс, люкс)
Дадатковыя магчымасці: 

• лыжаролерная траса
• більярд
• боўлінг
• пракат веласіпедаў
• пракат катамаранаў

версія для друку

зрабіць стартавай

дабавіць у выбранае