Страхаванне турыстаў у Беларусі

Замежныя госці ў Беларусі павінны мець спецыяльную турыстычную страхоўку на ўвесь час іх знаходжання ў краіне.

Які тып страхоўкі неабходны для Беларусі

Для падарожжаў у Беларусь неабходна медыцынская страхоўка на суму мінімум 10 000 еўра.

Страхоўку можна набыць у беларускіх страхавых кампаній або акрэдытаваных замежных страхавых кампаній. Страхавы поліс, які выданы замежнай страхавой кампаніяй, павінен распаўсюджваць сваё дзеянне на тэрыторыю Беларусі і быць сапраўдным на працягу ўсяго перыяду знаходжання.

Наяўнасць турыстычнай страхоўкі – адна з умоў атрымання беларускай візы.

Каму страхоўка не патрэбна

Страхоўка не патрэбна:

• турыстам, якія праязджаюць праз краіну па транзітнай візе (на паяздах міжнародных зносін, паветраных грамадзянскіх суднах міжнародных авіяліній)
• дыпламатам і афіцыйным дэлегацыям
• экіпажам авіялайнераў і персаналу чыгункі
• грамадзянам дзяржаў, з якімі дзейнічаюць міжнародныя дагаворы, што рэгулююць пытанні аказання бясплатнай хуткай медыцынскай дапамогі (Расіі, Туркменістана, дзяржаў-удзельніц СНД – Арменіі, Казахстана, Кыргызстана, Малдовы, Таджыкістана, Узбекістана, Украіны)
• бежанцам
• у іншых выпадках (умовы вызначаны ў міжнародных пагадненнях або ўсталяваны на ўзаемнай аснове). За дадатковай інфармацыяй варта звяртацца ў пасольствы Беларусі.
  

версія для друку

зрабіць стартавай

дабавіць у выбранае