Пытанні бяспекі

Асабістая бяспека – на што звярнуць увагу, куды звяртацца па дапамогу і інш.

Узровень злачыннасці ў Беларусі

Узровень злачыннасці ў Беларусі адносна нізкі, а злачынствы супраць іншаземцаў адзінкавыя, і ў асноўным гэта выпадкі рабавання.

Звычайныя меры засцярогі гарантуюць вашу бяспеку.

Пасля прыбыцця ў Беларусь неабходна зарэгістравацца ў вашым пасольстве.

Жанчыны, якія наведваюць Беларусь адны

Жанчыны, якія наведваюць Беларусь у адзіночку, павінны прымаць такія ж меры засцярогі, як і ў любой іншай краіне. Не варта заставацца ўначы на вуліцы адной.

З асцярогай стаўцеся да прапаноў незнаёмцаў пачаставаць выпіўкай або падвезці. Пастарайцеся, каб хто-небудзь ведаў, дзе вы знаходзіцеся і калі вернецеся.

У большасці паяздоў беларускага фарміравання не існуе раздзельных купэ – толькі для жанчын або толькі для мужчын. Але гэта не павінна выклікаць непакой, паколькі беларускія мужчыны, як правіла,  вельмі ветлівыя.

Міліцыя ў Беларусі

У беларускую сістэму аховы правапарадку ўваходзяць:

• органы Міністэрства ўнутраных спраў (міліцыя)
• Нацыянальнае цэнтральнае бюро Інтэрпола пры Міністэрстве ўнутраных спраў Рэспублікі Беларусь
• Камітэт дзяржаўнай бяспекі (КДБ)

Нумары экстранных службаў у Беларусі

У выпадку надзвычайных абставін у Беларусі трэба набраць адпаведны бясплатны нумар:

• міліцыя 102
• хуткая медыцынская дапамога 103
• пажарная служба 101

версія для друку

зрабіць стартавай

дабавіць у выбранае