Чэмпіянат свету па хакеі-2014 у Мінску

Чэмпіянат  свету   па   хакеі-2014  прайшоў  у  сталіцы Беларусі  Мінску.

8 мая 2009 году у швейцарскім Берне адбыўся кангрэс Міжнародной Федэрацыі хакея (ІІХФ), на якім заяўку Беларусі падтрымалі 75 дэлегатаў, Венгрыя атрымала 24 галасы, Латвія - 3, Украіна - 3.

Тэрміны правядзення чэмпіянату cвету па хакеі-2014 у Мінску

Чэмпіянат свету па хакеі  ў  Беларусі адбыўся з 9  па  25 мая 2014 года.

Стадыёны, на якіх адбыліся матчы чэмпіянату свет па хакеі-2014 у Мінску

Матчы чэмпіянату  свету  па  хакеі-2014  прайшлі  ў спартыўных комплексах "Мінск-Арэна" (адкрыты 30 студзеня 2009 года, умяшчальнасць 15 тысяч гледачоў) і "Чыжоўка-Арэна" (адкрыты ў 2013 годзе, умяшчальнасць каля 10 тысяч гледачоў).

Новая "Мінск-Арэна" заслужыла высокія водгукі кіраўніцтва Міжнароднай федэрацыі хакея і зорак сусветнага хакея.

Гасцініцы для ўдзельнікаў і гасцей чэмпіянату свету па хакеі-2014 у Мінску

Сёння гасцініцы Мінска – іх 43 – гатовы прыняць больш за 9 тысяч пастаяльцаў. Лепшымі з мінскіх атэляў з'яўляюцца пяцізоркавыя "Прэзідэнт-атэль", "Еўропа", "Краўн Плаза", "Пекін", чатырохзоркавыя "Вікторыя", "Мінск", "Вікторыя-Алімп", "Манастырская", "На Замкавай", "Рэнесанс".

Гасцініцы ўзроўню 1-3 зоркі з дэмакратычнымі цэнамі таксама прымалі пастаяльцаў ("Беларусь", "Арэна", БонАтэль", "Спадарожнік", "Звязда", "Ваяж" і іншыя). Да ЧС-2014 у Мінску адкрыліся новыя камфортныя атэлі эканомкласа Sport Time, East Time, Halt Time, IT Time.

Акрамя таго, у Мінску значна павялічылася сетка хостэлаў: цяпер іх 11 агульнай умяшчальнасцю каля 450 месц.

Усяго гасцей  чэмпіянату свету змаглі прыняць 43 гасцініцы і 12 інтэрнатаў, з якіх сем увайшлі ў новы комплекс "Студэнцкая вёска".

Афіцыйныя ўдзельнікі сусветнага першынства – каманды, суддзі, прадстаўнікі ІІФХ, журналісты – размясціліся  ў  атэлях "Мінск", "Прэзідэнт-Атэль", "Еўропа", "Краўн Плаза", "Вікторыя-1", "Вікторыя-2", "Вікторыя-Алімп", "Гарні", "Рэнесанс", "Робінсан клуб", "Нарачанская", "Свіслач", "Беларусь".

Балельшчыкаў прынялі атэлі горада, студэнцкая Фан-вёска, інтэрнаты і хостэлы.

Афіцыйны тураператар чэмпіянату  свету   па   хакеі-2014  – кампанія "ЦэнтрКурорт" – прапанавала балельшчыкам зручныя пакеты, якія ўключалі не толькі білеты на матчы, але і пражыванне, праязны на ўсе віды транспарту  ў   Мінску, экскурсіі і г.д.

• VIP-пакет (білеты на лепшыя месцы, пражыванне ў элітных атэлях, наведванне VIP-рэстаранаў, індывідуальны трансфер, сувеніры і іншыя бонусы)
• Балельшчыкам (білеты на матчы, пражыванне  ў  атэлях або фан-вёсцы, сувеніры і іншыя бонусы)
• Сямейны (скідка дзецям да 50%, білеты на матчы, пражыванне  ў  атэле або фан-вёсцы, шоу талісмана перад матчам, сувеніры і іншыя бонусы)
• Групавы тур (скідкі дзецям і студэнтам да 50%, супрацоўнікам да 25%, білеты на матчы, пражыванне  ў  фан-вёсцы, сувеніры і іншыя бонусы)

Транспартная інфраструктура для чэмпіянату свету па хакеі-2014 у Мінску

Была пабудавана дадатковая ўзлётна-пасадачная паласа  ў  Нацыянальным аэрапорце "Мінск", усе важнейшыя аўтамабільныя дарогі  ў  Беларусі сталі чатырохпалоснымі.

У  Мінску  пабудавалі чатыры новыя транспартныя развязкі каля хакейных арэн, пашырылася сетка станцый метрапалітэна, з'явіліся ўнутрыгарадскія электрапаязды.

Неабходнасць віз для ўдзельнікаў і гасцей чэмпіянату свету па хакеі-2014 у Мінску

 У  адпаведнасці з рашэннем улад Беларусі на час правядзення чэмпіянату свету па хакеі-2014  (ў  перыяд з 25 красавіка па 31 мая 2014 года) уезд у краіну быў бязвізавым.

Бяспека ўдзельнікаў і гасцей чэмпіянату свету па хакеі-2014 у Мінску

У  Беларусі не існуе праблемы тэрарызму, а злачыннасць знаходзіцца на стабільна нізкім узроўні. Насельніцтва краіны талерантнае і гасціннае.

Акрамя таго, МУС Беларусі сумесна з МНС, Міністэрствам аховы здароўя і Федэрацыяй хакея Беларусі распрацавалі сістэму дадатковых мер  па  забеспячэнні бяспекі правядзення сусветнага чэмпіянату.

Моўныя праблемы  ў  час чэмпіянату  свету па хакеі-2014 у Мінску 

Далёка не ўсе жыхары  Мінска  ведаюць замежныя мовы. Аднак на час правядзення чэмпіянату свету па хакеі Міністэрства адукацыі сумесна з маладзёжнымі арганізацыямі задзейнічалі вялікую колькасць валанцёраў, якія ведаюць замежныя мовы, яны дзяжурылі  ў  публічных месцах і дапамагалі замежным удзельнікам і гасцям чэмпіянату.

Білеты на чэмпіянат свету па хакеі-2014 у Мінску

Продаж білетаў на матчы ЧС-2014 пачаўся ў верасні 2013 года.

Формула першынства планеты ў Мінску засталася нязменнай у параўнанні з ЧС 2012 і 2013 гадоў. На папярэдняй стадыі 16 каманд былі падзелены на дзве групы  па  8 зборных.  Па  выніках першага этапу  па  4 лепшыя дружыны кожнай групы выйшлі ў чвэрцьфінал.

Білеты на ЧС-2014  па  хакеі каштавалі ад 6 да 400 еўра (фінальныя матчы).

Продаж білетаў на чэмпіянат свету па хакеі-2014 ажыццяўляўся праз спецыялізаваныя касы (у  Беларусі) і Інтэрнэт. Таксама арганізатары чэмпіянату заключылі пагадненні з замежнымі партнёрамі, якія рэалізоўвалі білеты на тэрыторыі іншых краін.

Склад груп на чэмпіянаце свету па хакеі-2014

	Група А (Чыжоўка-Арэна)		Група В (Мінск-Арэна)
	Швецыя		Фінляндыя
	Чэхія		Расія
	Канада		ЗША
	Славакія		Швейцарыя
	Нарвегія		Германія
	Данія		Латвія
	Францыя		Беларусь
	Італія		Казахстан

Фан-зоны для балельшчыкаў на ЧС-2014 у Мінску

У час чэмпіянату ў Мінску былі адкрыты дзве фан-зоны і тры зоны гасціннасці.

Балельшчыкі, якія не трапілі на трыбуны, змаглі убачыць самыя яскравыя моманты матчаў на вялікіх экранах у фан-зонах, якія размясціліся побач з галоўнымі лядовымі пляцоўкамі чэмпіянату – "Мінск-Арэнай" і "Чыжоўка-Арэнай".

Акрамя экранаў трансляцыі для фанатаў працавалі кафэ, рэстараны, магазіны сувеніраў і хакейнай атрыбутыкі, гандлёвыя пляцоўкі і палаткі (тут балельшчыкі змаглі купіць піва, але не моцны алкаголь)… Была прадугледжана таксама забаўляльная праграма, у час якой гучалі "песні" чэмпіянату свету. Уваход у фан-зоны быў вольны.

У зонах гасціннасці, размешчаных у трох кропках Мінска, праходзілі забаўляльныя мерапрыемствы. Тут жа балельшчыкі маглі купіць сувеніры чэмпіянату, пакаштаваць традыцыйныя беларускія стравы, адпачыць.
 
Гэтыя зоны размесціліся:

• каля Палаца спорту на праспекце Пераможцаў (акрамя іншага тут будуць працаваць пракат лодак і картынг)
• каля Студэнцкай вёскі (Фан-вёскі) на праспекце Дзяржынскага (тут жа будзе адкрыты Лядовы палац для катання на каньках і іншых забаў)
• каля Лядовага палаца на вуліцы Прытыцкага (унутры будуць арганізаваны катанні на каньках і дыскатэкі)

Пляцоўка каля Студэнцкай вёскі працавала да 3 гадзін ночы, дзве іншыя зоны гасціннасці – да апоўначы. У дні 9 і 22 – 25 мая зона каля Палаца спорту падоўжыла работу і прымала гасцей да 3.00.

У маі мінскія магазіны былі адкрыты да 23.00, рэстараны – да 6.00.

Талісман чэмпіянату свету па хакеі-2014

Федэрацыяй хакея Беларусі быў аб'яўлены адкрыты конкурс на стварэнне талісмана чэмпіянату свету па хакеі-2014. На званне пераможцы прэтэндавала каля 40 варыянтаў. У выніку талісманам сусветнага хакейнага форуму стаў адзін з сімвалаў Беларусі зубр, вобраз якога ўвасобіў мастак-дызайнер з Мінска Віталь Арцюх.

У сакавіку 2013 г. стартаваў Нацыянальны конкурс на імя і гісторыю-біяграфію афіцыйнага талісмана чэмпіянату свету па хакеі.

Па выніках творчага спаборніцтва, у час якога было прапанавана амаль 300 варыянтаў, зубр-хакеіст атрымаў імя Волат, што ў перакладзе з беларускай мовы на рускую значыць "богатырь".

Ва ўсходнеславянскай міфалогіі волат – асілак вялікага росту і волатаўскай сілы. Паданні расказваюць, што ў даўнія часы яны жылі на беларускіх землях і пахаваныя ў доўгіх курганах – валатоўках. У Беларусі ёсць вёскі, назвы і гісторыя якіх па легендзе звязаны з волатамі.

Пераможцы конкурсу "Прыдумай імя талісману!" – Марыя Мацкевіч і Леанід Краўчанка – прапанавалі сімвалу чэмпіянату свету-2014 Волату цікавыя "хакейныя" біяграфіі.

Арганізатары падкрэсліваюць, што імя Волат практычна аднолькава гучыць на розных мовах, таму балельшчыкам лёгка называць і пісаць яго.

Выкарыстоўваць талісман у мэтах рэкламы мала права толькі дырэкцыя чэмпіянату свету.

Дызайн фірменнага стылю мінскага чэмпіянату свету па хакеі быў падпарадкаваны графічнай канцэпцыі пад назвай "Шматграннае свята!". Слоган чэмпіянату: "Разам мы – свята!"

Сувеніры ЧС-2014 па хакеі ў Мінску

У пачатку 2008 года Федэрацыя хакея Рэспублікі Беларусь аб'явіла конкурс на лепшы лагатып для заяўкі на правядзенне чэмпіянату свету па хакеі-2014 у Мінску. У аргкамітэт паступіла больш за 200 работ, з якіх быў выбраны лаканічны знак дызайнера Вікторыі Адамовіч. Сёння лагатып ЧС-2014 у Мінску ўжо вядомы і папулярны. Выява выкарыстоўвалася на сувенірнай і друкаванай прадукцыі, гарадскім грамадскім транспарце, афішах і білбордах.

За 500 дзён да пачатку турніру больш за 40 беларускіх прадпрыемстваў пачалі выпускаць сувеніры з лагатыпам ЧС-2014. Сярод найбольш папулярных падарункаў для балельшчыкаў – майкі, кепкі, шалікі, ручнікі, шайбы і клюшкі (у тым ліку дэкаратыўныя з хрусталю), посуд (шкло і кераміка), значкі, магніты. У Беларусі сувеніры мінскага чэмпіянату можна было набыць у магазінах, на вакзалах, у Нацыянальным аэрапорце.

За тры месяцы да старту першынства планеты права выпуску сувеніраў з сімволікай чэмпіянату належала Міжнароднай федэрацыі хакея.

версія для друку

зрабіць стартавай

дабавіць у выбранае