Галоўная Пра Беларусь Турызм Бізнес Улада Навіны

ENG РУС БЕЛ 中文

Пра Беларусь

Асноўныя факты

Гуманітарнае супрацоўніцтва

Зборная Беларусі па хакеі

Зборная Беларусі па футболе

Беларусь на зімовых Алімпійскіх гульнях-2018 у Пхёнчхане

Еўрапейскія гульні-2019 у Мінску

Беларусь на Алімпіядзе-2020 у Токіа

Каляндар міжнародных спаборніцтваў у Беларусі

Беларусь на Алімпіядзе-2022 у Пекiне

II Гульні краін СНД у Беларусі

Беларусы на Алімпіядзе-2024 у Парыжы

Ці ведаеце вы, што...

СМІ ў Беларусі

Каляндар падзей у Беларусі

| Галоўная | Пра Беларусь | Спорт | Беларусь на Алімпіядзе-2016 у Рыа

Беларусь на Алімпіядзе ў Рыа-дэ-Жанэйра

На XXXI летняй Алімпіядзе ў Рыа-дэ-Жанэйра каманда Беларусі была прадстаўлена ў 75 дысцыплінах праграмы і ў выніковым медальным заліку заняла 40-е месца. На рахунку беларускіх алімпійцаў – 9 узнагарод Рыа-2016.

Медалі зборнай Беларусі на Алімпійскіх гульнях-2016

Золата

Уладзіслаў Ганчароў (скачкі на батуце)

Серабро

Дар'я Навумава (цяжкая атлетыка, да 75 кг)
Вадзім Стральцоў (цяжкая атлетыка, да 94 кг)
Марыя Мамашук (вольная барацьба, да 63 кг)
Іван Ціхан (лёгкая атлетыка, кіданне молата)

Бронза

Аляксандра Герасіменя (плаванне, 50 м вольным стылем)
Джавід Гамзатаў (грэка-рымская барацьба, да 85 кг)
Маргарыта Махнёва, Надзея Ляпешка, Вольга Худзенка, Марына Літвінчук (веславанне на байдарках і каноэ, байдарка-чацвёрка, 500 м)
Ібрагім Саідаў (вольная барацьба, да 125 кг)

Беларусы ў топ-10 на Гульнях у Рыа-2016

4 месца

Уладзімір Самсонаў (настольны тэніс)
Марына Літвінчук (веславанне на байдарках і каноэ, байдарка-адзіночка, 500 м)

5 месца

Таццяна Пятрэня (скачкі на батуце)
Станіслаў Шчарбачэня (акадэмічнае веславанне)
Віталь Бубновіч (стральба з малакалібернай вінтоўкі, 50 м са становішча лежачы)
Вольга Мазуронак (лёгкая атлетыка, марафон)
Васіліса Марзалюк (вольная барацьба, да 75 кг)
Таццяна Халадовіч (кіданне кап'я)
Меліціна Станюта (мастацкая гімнастыка, індывідуальнае мнагабор'е)
Ганна Дудзянкова, Валерыя Пішчэліна, Арына Цыцыліна, Марыя Кадобіна, Марыя Кацяк (мастацкая гімнастыка, групавое мнагабор'е)

6 месца

Дар'я Пачобут (цяжкая атлетыка, да 69 кг)
Ілья Чаргейка (стральба з пнеўматычнай вінтоўкі, 10 м)
Пётр Асаёнак (цяжкая атлетыка, да 85 кг)
Надзея Ляпешка і Марына Літвінчук (веславанне на байдарках і каноэ, байдарка-двойка, 500 м)
Кацярына Галкіна (мастацкая гімнастыка, індывідуальнае мнагабор'е)

7 месца

Павел Хадасевіч (цяжкая атлетыка, да 85 кг)
Ганна Малышчык (лёгкая атлетыка, кіданне молата)
Марына Арзамасава (лёгкая атлетыка, бег на 800 м)

8 месца

Ганна Гарчанок (скачкі на батуце)
Кацярына Карстэн (акадэмічнае веславанне)
Алёна Дубіцкая (штурханне ядра)
Юлія Бічык і Таццяна Кухта (акадэмічнае веславанне, двойка парная)
Аляксандр Бярсанаў (цяжкая атлетыка, да 94 кг)

9 месца

Вадзім Лялін, Дзяніс Мігаль, Ігар Пашэвіч, Мікалай Шарлап (акадэмічнае веславанне, чацвёрка расхінная)
Таццяна Шаракова (веласпорт, омніум)
Сяргей Каламояц (лёгкая атлетыка, кіданне молата)

Беларусы на Алімпіядзе ў Рыа-2016

У складзе беларускай дэлегацыі каля 200 чалавек, з іх 57 трэнераў і 123 спартсмены, якія выступілі ў 23 відах спорту, 75 дысцыплінах алімпійскай праграмы. Гэта баскетбол, бокс, вольная і грэка-рымская барацьба, веласпорт, спартыўная гімнастыка, акадэмічнае веславанне, веславанне на байдарках і каноэ, дзюдо, лёгкая атлетыка, настольны тэніс, парусны спорт, плаванне, скачкі ў ваду, скачкі на батуце, сінхроннае плаванне, сучаснае пяціборства, стральба з лука, стральба кулявая, тэніс, цяжкая атлетыка, мастацкая гімнастыка, фeхтаванне.

Першымі прадстаўнікамі Беларусі, якія яшчэ ў 2014 годзе выканалі кваліфікацыйныя патрабаванні для ліцэнзій у Рыа, сталі стралкі Віталь Бубновіч і Юрый Шчарбацэвіч, а таксама яхтсменка Таццяна Драздоўская (класе "Лазер-Радыял"): у 2013-2014 гг. – лідар сусветнага рэйтынгу, удзельніца ўжо чатырох Алімпіяд (2000, 2004, 2008, 2012).

Сярод зорных спартсменаў – алімпійскі чэмпіён Лондана-2012 знакаміты тэнісіст Максім Мірны, лідар зборнай Беларусі па мастацкай гімнастыцы Меліціна Станюта, легендарная чэмпіёнка Кацярына Карстэн.

У спіс удзельнікаў Алімпіяды-2016 увайшлі пераможцы чэмпіянату свету па лёгкай атлетыцы ў Пекіне бягухі Марына Арзамасава (800 м) і Аліна Талай (100 м з бар'ерамі), чэмпіёны планеты – веласіпедыст Васіль Кірыенка, штангіст Вадзім Стральцоў, весляры Маргарыта Махнёва, Марына Літвінчук, Вольга Худзенка, Надзея Ляпешка (байдарка-чацвёрка 500 м), бронзавы прызёр чэмпіянату свету па боксе ў Катары Дзмітрый Асанаў…

На летняй Алімпіядзе ў Рыа наша краіна была прадстаўлена таксама ў сінхронным плаванні (8 гадоў не прымалі ўдзел).

Беларускія сінхраністкі Ірына Ліманоўская і Вераніка Есіповіч пад кіраўніцтвам трэнера Наталлі Сахарук занялі чацвёртае месца ў кваліфікацыйным турніры. Актыўны ўдзел у падрыхтоўцы дуэта прымала знакамітая расійская спартсменка, пяціразовая алімпійская чэмпіёнка Настасся Давыдава.

Кіраўніком беларускай дэлегацыі ў Рыа-дэ-Жанэйра стаў першы намеснік міністра спорту і турызму Аляксандр Гагіеў.

Беларусы на Паралімпійскіх гульнях у Рыа

ХV Летнія Паралімпійскія гульні адбыліся ў Рыа з 7 па 18 верасня 2016 года. У саставе зборнай Беларусі на Паралімпіядзе-2016 выступілі 20 спартсменаў у пяці відах спорта.

Віды спорту, у якіх беларусы змагаліся за медалі – адаптыўнае веславанне, фехтаванне, плаванне, лёгкая атлетыка і дзюдо.

На старты ў Рыа выйшлі знакамітыя спартсмены – уладальнік пяці залатых медалёў і адной сярэбранай узнагароды Паралімпіяды-2012 у Лондане плывец Ігар Бокій і выдатная спартсменка ў гісторыі паралімпійскага руху Людміла Волчак, якая мела поспех у адаптыўным веславанні і ў лыжных гонках. На яе рахунку тры залатыя, тры сярэбраныя і тры бронзавыя ўзнагароды, заваяваныя на чатырох Паралімпіядах – летніх (2008 і 2012) і зімовых (2006 і 2010).