Бізнес-навіны

Золатавалютныя рэзервы Беларусі складаюць $7,5 млрд

6 студзеня, Мінск /Кар. БЕЛТА/. Міжнародныя рэзервовыя актывы Беларусі на 1 студзеня 2021, паводле папярэдніх даных, склалі $7 млрд 468,5 млн (у эквіваленце), паведамілі БЕЛТА ва ўпраўленні інфармацыі і грамадскіх сувязей Нацыянальнага банка.

Згодна з асноўнымі напрамкамі грашова-крэдытнай палітыкі на 2020 год аб'ём міжнародных рэзервовых актываў на 1 студзеня 2021 года павінен быў скласці не менш як $7,3 млрд.

За снежань золатавалютныя рэзервы выраслі на $92,1 млн (на 1,2 працэнта) пасля зніжэння ў лістападзе на $109,2 млн (на 1,5 працэнта).

У цэлым па выніках 2020 года міжнародныя рэзервовыя актывы скараціліся на $1,9 млрд (на 20,5 працэнта).

Зніжэнне ўзроўню золатавалютных рэзерваў па выніках 2020 года ў асноўным абумоўлена планавым пагашэннем урадам і Нацыянальным банкам Беларусі знешніх і ўнутраных абавязацельстваў у замежнай валюце на суму каля $3,9 млрд, у тым ліку ў снежні - $227 млн, а таксама продажам Нацбанкам замежнай валюты на таргах ААТ "Беларуская валютна-фондавая біржа".

Падтрыманню ўзроўню золатавалютных рэзерваў у 2020 годзе садзейнічалі паступленне сродкаў ад размяшчэння Міністэрствам фінансаў на знешнім і ўнутраным рынках аблігацый, намініраваных у замежнай валюце, прыцягненне знешніх дзяржаўных пазык, іншыя паступленні замежнай валюты ў бюджэт, а таксама рост кошту манетарнага золата.

У адпаведнасці з асноўнымі напрамкамі грашова-крэдытнай палітыкі на 2021 год аб'ём міжнародных рэзервовых актываў на 1 студзеня 2022 года з улікам пагашэння ўрадам і Нацыянальным банкам унутраных і знешніх абавязацельстваў у замежнай валюце павінен скласці не менш як $6 млрд.

версія для друку

зрабіць стартавай

дабавіць у выбранае