Бізнес-навіны

Зменены парадак рэгістрацыі аўтаперавозчыкаў ЕС пры афармленні дазволаў на тэрыторыі Беларусі

Фота з архiва

13 снежня, Мінск /Кар. БЕЛТА/. Зменены парадак рэгістрацыі аўтаперавозчыкаў ЕС пры афармленні дазволаў на тэрыторыі Беларусі, паведамілі БЕЛТА ў прэс-службе Міністэрства транспарту і камунікацый.

"З 10 кастрычніка 2022 года аўтаперавозчыкі Еўрасаюза могуць аформіць у транспартнай інспекцыі Мінтранса дазвол на міжнародную аўтаперавозку грузаў па тэрыторыі нашай краіны. Цяпер зменены парадак рэгістрацыі аўтаперавозчыкаў ЕС пры афармленні беларускіх дазволаў", - расказалі ў прэс-службе.

Па-першае, неабходна зарэгістравацца ў якасці аўтамабільнага перавозчыка замежнай дзяржавы (Еўрапейскі саюз) у аўтаматызаванай сістэме па афармленні дазволаў, потым аўтарызавацца ў асабістым кабінеце. Па-другое, трэба аформіць у аўтаматызаванай сістэме рахунак-фактуру на колькасць заяўленых да афармлення дазволаў і аплаціць заказ па ўказаных рэквізітах. Кошт афармлення такога дазволу Транспартнай інспекцыяй складае 15 базавых велічынь (цяпер 1 БВ - Br32). Па-трэцяе, трэба звярнуцца за афармленнем дазволаў у адно са структурных падраздзяленняў філіялаў Транспартнай інспекцыі ў Мінску і абласных цэнтрах.

У Мінтрансе нагадалі, што прадастаўленая беларускім бокам магчымасць афармлення на тэрыторыі Беларусі дазволаў дзейнічае адначасова з нормамі пастановы Савета Міністраў ад 22 красавіка 2022 года нумар 247 "Аб перамяшчэнні транспартных сродкаў". Такім чынам, для замежных перавозчыкаў захоўваецца правіла дастаўкі грузаў з мэтай наступнай перагрузкі або перачэпкі ў спецыяльна ўстаноўленых месцах.

Пры гэтым захоўваецца і парадак выкарыстання дазволаў на праезд па тэрыторыі краіны, перададзеных беларускім бокам кампетэнтным органам замежных дзяржаў.

версія для друку

зрабіць стартавай

дабавіць у выбранае