Бізнес-навіны

Зімбабвэ, Кенія, Экватарыяльная Гвінея. Беларуская фармпрамысловасць асвойвае новыя рынкі збыту

Фота з архiва

14 кастрычніка, Мінск /Кар. БЕЛТА/. Беларуская фармпрамысловасць асвойвае новыя рынкі збыту, паведаміў журналістам генеральны дырэктар РУП "Кіруючая кампанія холдынга "Белфармпрам" Ігар Мітрафанаў, перадае карэспандэнт БЕЛТА.

"У рамках дыверсіфікацыі экспартных паставак прадаўжаецца работа з краінамі Азіі, Лацінскай Амерыкі, Афрыкі. Сёння вядуцца перагаворы з Мазамбікам, Угандай, Лівіяй. А таксама спрабуем ажыццяўляцць першыя пастаўкі беларускіх лякарстваў у Зімбабвэ, Кенію, Экватарыяльную Гвінею", - сказаў Ігар Мітрафанаў.

Паводле яго слоў, на працягу апошніх гадоў, як і ў 2024 годзе, рынак СНД па-ранейшаму застаецца валаўтваральным у плане фарміравання экспарту беларускіх лекавых прэпаратаў. Доля паставак у гэты рэгіён складае каля 90 працэнтаў ад усяго экспарту.

У цэлым беларуская фармацэўтычная прадукцыя мае даволі шырокую геаграфію і адгружалася ў 24 краіны свету. Дзевяць з гэтых краін - краіны СНД, 15 краін - далёкага замежжа. У экспартнай палітыцы прымаюць удзел прадпрыемствы ўсіх форм уласнасці.

"Інакш кажучы, агульнымі намаганнямі мы спрабуем асвойваць суседнія рынкі, рынкі далёкай дугі", - адзначыў Ігар Мітрафанаў.

версія для друку

зрабіць стартавай

дабавіць у выбранае