Бізнес-навіны

Жыдкоў: вытворчасць цукру ў Беларусі выйшла на гістарычны рэкорд

Фота з архiва

28 сакавіка, Мінск /Кар. БЕЛТА/. У 2023 годзе пры плане 5 млн т цукровых буракоў убралі з палёў амаль 5,3 млн т. Гэта сур'ёзная лічба - рэкорд за ўсю гісторыю развіцця цукровай галіны Беларусі. Аб гэтым важным дасягненні карэспандэнту часопіса "Экономика Беларуси" расказаў старшыня канцэрна "Белдзяржхарчпрам" Алег Жыдкоў.

"Па выніках перапрацоўкі сыравіны атрымалі 670 тыс. т цукру, да ўзроўню 2022 года больш на 15-17 працэнтаў у залежнасці ад завода. Гэта і стане нашым галоўным экспартным патэнцыялам у бягучым годзе. Цэны на сусветных біржах растуць. І хоць мы ў асноўным рэалізуем цукар у краінах ЕАЭС, дзе пераважае крыху іншая цэнавая мадэль, і ў Расіі, напрыклад, даволі шмат сваіх вытворцаў, але ўсё роўна цяперашняя кан'юнктура дазваляе нашым заводам працаваць з нядрэннай нормай прыбытку", - падкрэсліў кіраўнік галіны.

Унутраны рынак па выніках 2024 года будзе забяспечаны з каэфіцыентам 1,5 да таго, што спажываецца ў краіне. Гэта значыць галіна выйшла не толькі на ўзровень самазабеспячэння, але і перавысіла яго напалову. Гэты вынік у цукровай падгаліне максімальны - задзейнічаны ўсе рэзервы, лічыць Алег Жыдкоў. У далейшым павялічваць вытворчасць магчыма пераважна за кошт мадэрнізацыі і глыбіні перапрацоўкі сыравіны, якія могуць даць яшчэ 1,5-2 працэнты прыросту.

версія для друку

зрабіць стартавай

дабавіць у выбранае