Бізнес-навіны

Замежныя інвестары ўклалі ў I паўгоддзі ў эканоміку Беларусі $4,5 млрд

Фота з архiва

11 жніўня, Мінск /Кар. БЕЛТА/. Замежныя інвестары ўклалі ў I паўгоддзі 2020 года ў рэальны сектар эканомікі (акрамя банкаў) Беларусі $4,5 млрд, паведамілі БЕЛТА ў прэс-службе Нацыянальнага статыстычнага камітэта.

Асноўнымі інвестарамі арганізацый рэспублікі былі суб'екты гаспадарання Расійскай Федэрацыі (42,8 працэнта ад усіх паступіўшых інвестыцый), Кіпра (10,9 працэнта) і Аўстрыі (7,9 працэнта).

Паступленне прамых замежных інвестыцый склала $3,2 млрд, або 70,8 працэнта ад усіх паступіўшых замежных інвестыцый.

За студзень-чэрвень арганізацыі краіны (акрамя банкаў) накіравалі за мяжу інвестыцый на суму $2,3 млрд. Значныя аб'ёмы інвестыцый былі накіраваны суб'ектам гаспадарання Расійскай Федэрацыі (77,1 працэнта ад усіх накіраваных інвестыцый), Украіны (8,2 працэнта), Злучанага Каралеўства Вялікабрытаніі і Паўночнай Ірландыі (4,9 працэнта).

На долю прамых інвестыцый прыпадала 96,3 працэнта ўсіх накіраваных інвестыцый за мяжу.

версія для друку

зрабіць стартавай

дабавіць у выбранае