Бізнес-навіны

Замежныя інвестары ў мінулым годзе ўклалі ў эканоміку Беларусі $7 млрд

Фота з архiва

13 лютага, Мінск /Кар. БЕЛТА/. Замежныя інвестары ў мінулым годзе ўклалі ў рэальны сектар эканомікі Беларусі $7 млрд. Аб гэтым сведчаць даныя Нацыянальнага статыстычнага камітэта, паведамляе БЕЛТА.

Асноўнымі інвестарамі арганізацый краіны былі суб'екты гаспадарання Расійскай Федэрацыі (56,1 працэнта ад усіх інвестыцый), Кіпра (14,7 працэнта), Нідэрландаў (4,1 працэнта) і Украіны (2,9 працэнта). Прамыя замежныя інвестыцыі склалі $6 млрд, або 85,4 працэнта ад усіх паступіўшых замежных інвестыцый.

Арганізацыі Беларусі за 2022 год накіравалі за мяжу інвестыцый на $6,3 млрд. Значныя аб'ёмы былі накіраваны суб'ектам гаспадарання Расійскай Федэрацыі (87 працэнтаў), Ірландыі (2,4 працэнта) і Казахстана (1,6 працэнта). На долю прамых інвестыцый прыпадала 82,4 працэнта ўсіх накіраваных інвестыцый за мяжу.

версія для друку

зрабіць стартавай

дабавіць у выбранае