Бізнес-навіны

Заяц: Экватарыяльнай Гвінеі цікавыя нашы тэхналогіі ў сельскай гаспадарцы, прамысловасці, медыцыне

8 верасня, Мінскі раён /Кар. БЕЛТА/. Беларусі важна выбудоўваць супрацоўніцтва з афрыканскімі краінамі. Аб гэтым заявіў журналістам намеснік прэм'ер-міністра Леанід Заяц, перадае карэспандэнт БЕЛТА.

Прэзідэнт Экватарыяльнай Гвінеі Тэадора Абіянг Нгема Мбасога ў рамках афіцыйнага візіту ў Беларусь наведаў агракамбінат "Дзяржынскі". Гасцям прадставілі выстаўку прадукцыі беларускіх прадпрыемстваў харчовай прамысловасці, у прыватнасці мясную, малочную, хлебабулачную і іншую прадукцыю.

"Нам трэба выбудоўваць "мосцікі" з афрыканскімі краінамі. Радасна, што ў Беларусь з афіцыйным візітам прыехаў прэзідэнт Экватарыяльнай Гвінеі. Ён зацікаўлены ў цесным супрацоўніцтве з нашай краінай. Яму цікавыя перадавыя тэхналогіі ў сельскай гаспадарцы, прамысловасці, медыцыне, адукацыі", - сказаў Леанід Заяц.

Паводле яго слоў, Беларусі таксама цікавы афрыканскі рынак. "Гэта новы кантынент для нашай краіны. Мы пачынаем першыя крокі ў частцы супрацоўніцтва па розных напрамках", - паведаміў віцэ-прэм'ер.

"Мы бачым, што наша выстаўка харчовых прадуктаў уразіла і зацікавіла нашых гасцей. Мы можам пастаўляць сухое малако, там яго перапрацоўваць і рэалізоўваць не толькі ў Экватарыяльнай Гвінеі, але і на ўсім Афрыканскім кантыненце", - падкрэсліў Леанід Заяц.

Прэзідэнт Рэспублікі Экватарыяльная Гвінея Тэадора Абіянг Нгема Мбасога з афіцыйным візітам наведаў Рэспубліку Беларусь. Цэнтральнай часткай візіту сталі перагаворы з кіраўніком беларускай дзяржавы Аляксандрам Лукашэнкам. Афіцыйная сустрэча кіраўнікоў дзяржаў і перагаворы ў вузкім і пашыраным складах прайшлі ў Палацы Незалежнасці. Па іх выніках быў падпісаны пакет двухбаковых дакументаў, накіраваных на развіццё адносін па шырокім спектры напрамкаў - ад эканомікі да гуманітарнай сферы.

Гэты візіт з'яўляецца прадаўжэннем курсу Беларусі на актывізацыю супрацоўніцтва з краінамі Афрыкі і пацвярджае ўзаемную цікавасць да супрацоўніцтва.

версія для друку

зрабіць стартавай

дабавіць у выбранае