Бізнес-навіны

У рабоце форуму прыме ўдзел афіцыйная беларуская дэлегацыя на чале з першым намеснікам прэм'ер-міністра Беларусі Васілём Мацюшэўскім, у склад якой увайшлі прадстаўнікі кіраўніцтва Нацбанка, МЗС, Мінфіна, Мінбудархітэктуры, Нацыянальнага агенцтва інвестыцый і прыватызацыі, Беларускай гандлёва-прамысловай палаты, дзелавых колаў.

Праграмай, у прыватнасці, прадугледжаны прэзентацыя інвестыцыйнага клімату і патэнцыялу Рэспублікі Беларусь, дзеючых свабодных эканамічных зон, індустрыяльнага парка "Вялікі камень", Парка высокіх тэхналогій, магчымасці малых гарадоў, правядзенне прамых перагавораў паміж беларускімі і еўрапейскімі афіцыйнымі асобамі і кампаніямі. Удзел у мерапрыемстве прымаюць звыш 90 кампаній з краін Еўрасаюза і больш за 30 прадпрыемстваў і кампаній з Беларусі.

У мэтах пашырэння двухбаковага і шматбаковага эканамічнага супрацоўніцтва з краінамі Еўрасаюза на форуме запланаваны сустрэчы кіраўніка беларускай дэлегацыі Васіля Мацюшэўскага з прэзідэнтам палаты эканомікі Аўстрыі Крыстафам Ляйтлам, кіраўніцтвам буйных аўстрыйскіх канцэрнаў па пытанні рэалізацыі на тэрыторыі Рэспублікі Беларусь шэрага інвестыцыйных праектаў, а таксама з прадстаўнікамі кіраўніцтва Еўракамісіі і Еўрапейскага банка рэканструкцыі і развіцця.