Бізнес-навіны

Урад зацвердзіў план нацыянальных выставак Беларусі за мяжой на 2023 год

Фота з архiва

5 студзеня, Мінск /Кар. БЕЛТА/. Урад зацвердзіў план нацыянальных выставак (экспазіцый) у замежных дзяржавах на 2023 год. Гэта прадугледжана пастановай Савета Міністраў ад 30 снежня 2022 года нумар 974, паведамляе БЕЛТА са спасылкай на Нацыянальны прававы інтэрнэт-партал.

Нацыянальныя экспазіцыі будуць арганізаваны ў мэтах папулярызацыі айчынных тэхналогій, навуковых распрацовак, тавараў і паслуг на знешнім рынку. Яны будуць прадстаўлены на міжнароднай выстаўцы International Trade and Industry Fair (Карачы ў Пакістане), міжнароднай сельскагаспадарчай выстаўцы International Agricultural Trade Fair Novi Sad (Нові Сад у Сербіі), міжнароднай прамысловай выстаўцы FIA (Алжыр), Азербайджанскай міжнароднай выстаўцы "Будаўніцтва" (Баку ў Азербайджане), шостай Кітайскай міжнароднай выстаўцы імпарту (Шанхай у Кітаі).

Таксама беларускія экспазіцыі будуць арганізаваны на міжнароднай выстаўцы прадуктаў харчавання і напіткаў Food Africa Cairo (Каір у Егіпце), міжнароднай выстаўцы Vietnam Expo (Хашымін у В'етнаме).

Беларусь таксама прыме ўдзел у міжнароднай прамысловай выстаўцы "Інапрам", якая пройдзе ў расійскім Екацярынбургу, у статусе краіны-партнёра.

версія для друку

зрабіць стартавай

дабавіць у выбранае