Бізнес-навіны
Урад Беларусі правядзе перагаворы аб прадастаўленні беларускіх тавараў у лізінг з "Прамагралізінг-Украіна" і казахстанскім "КамТрансЛізінг"
8 кастрычніка, Мінск /Кар. БЕЛТА/. Урад Беларусі прыняў рашэнне аб правядзенні перагавораў па праектах дагавораў з ТАА "Прамагралізінг-Украіна" і ТАА "КамТрансЛізінг" аб прадастаўленні ва Украіне і Казахстане адпаведна тавараў, вырабленых у Беларусі, на ўмовах фінансавай арэнды (лізінгу) і іх падпісанні. Гэта замацавана пастановамі Савета Міністраў нумар 823, нумар 825 ад 5 кастрычніка 2015 года, апублікаванымі сёння на Нацыянальным прававым інтэрнэт-партале, паведамляе БЕЛТА.
Пастановамі ў якасці асновы для правядзення перагавораў адобраны праекты дагавораў. На правядзенне перагавораў з ТАА "Прамагралізінг-Украіна" і ТАА "КамТрансЛізінг" Саўмін упаўнаважыў Міністэрства прамысловасці сумесна з Міністэрствам фінансаў, дазволіўшы пры неабходнасці ўносіць у праекты дагавораў змяненні і дапаўненні, якія не маюць прынцыповага характару. Мінпрам упаўнаважаны таксама на падпісанне дагавораў пры дасягненні дамоўленасцей у межах адобранага праекта.
ААТ "Белаграпрамбанк" і ААТ "БПБ-Ашчадбанк" вызначаны банкамі-агентамі па выкананні ўмоў дагавораў з выплатай ім узнагароджання ў памеры не больш як 0,02 працэнта сумы, якая падлягае кампенсацыі Беларуссю, за кошт сродкаў рэспубліканскага бюджэту, што прадугледжваюцца на гэтыя мэты.
Пастановы ўступаюць у сілу з дня іх прыняцця.
версія для друку
зрабіць стартавай
дабавіць у выбранае