Бізнес-навіны

У выстаўцы "Белагра-2023" прымуць удзел 450 кампаній са многіх краін

Фота з архiва

31 мая, Мінск /Кар. БЕЛТА/. Выстаўка "Белагра" павінна прайсці на высокім узроўні - для гэтага ўсё гатова, заявіў на прэс-канферэнцыі намеснік міністра сельскай гаспадаркі і харчавання Вадзім Шагойка, перадае карэспандэнт БЕЛТА.

"Праграма мерапрыемства будзе даволі вялікая і ахопіць інтарэсы як прафесіяналаў, якія прыязджаюць на выстаўку для заключэння кантрактаў, так і звычайных наведвальнікаў, якія могуць азнаёміцца з дасягненнямі сельскай гаспадаркі і проста прыемна правесці час", - адзначыў Вадзім Шагойка.

Паводле яго слоў, у гэтым годзе для наведвальнікаў выстаўкі ў праграму дабаўлены новы напрамак - спартыўны блок. "Ён прадугледжвае лёгкаатлетычны забег для вопытных спартсменаў і спартсменаў-пачаткоўцаў. Таксама будзе арганізаваны сямейны забег. Акрамя таго, Рэспубліканскі цэнтр алімпійскай падрыхтоўкі коннага спорту і конегадоўлі падрыхтуе спартыўна-забаўляльную праграму з удзелам беларускіх алімпійцаў", - падкрэсліў намеснік міністра сельскай гаспадаркі і харчавання.

Міжнародная спецыялізаваная выстаўка "Белагра-2023" пройдзе з 6 па 11 чэрвеня на базе выставачнага цэнтра Кітайска-беларускага індустрыяльнага парка "Вялікі камень". Выстаўка будзе працаваць з 10.00 да 18.00. З Мінска да месца правядзення мерапрыемства будуць арганізаваны транспартныя маршруты ад станцыі метро "Магілёўская". Удзел прымуць 450 кампаній з Беларусі, Расіі, Кітая, Пакістана, Турцыі, В'етнама, Германіі, Італіі, Індыі, Палесціны. У ходзе дзелавой праграмы прадугледжана каля 20 тэматычных канферэнцый і семінараў.

версія для друку

зрабіць стартавай

дабавіць у выбранае