Бізнес-навіны

"Традыцыйна Германія ўваходзіць у лік асноўных крэдытораў Беларусі, - адзначыў ён. - Германскія прадпрыемствы займаюць значнае месца на рынку прамых інвестыцый у Рэспубліцы Беларусь. У краіне зарэгістравана больш за 360 прадпрыемстваў з удзелам германскага капіталу. У іх статутныя фонды з моманту рэгістрацыі ўнесена $360,8 млн".

Акрамя таго, у Беларусі функцыянуюць 90 прадстаўніцтваў германскіх фірм. Найбольш шырока нямецкі капітал прадстаўлены ў прамысловай сферы, транспарце, сельскай гаспадарцы, гандлі і харчовай прамысловасці.

Як адзначыў Барыс Батура, у 2015 годзе з Германіі ў Беларусь паступілі інвестыцыі ў аб'ёме $98,0 млн, у тым ліку прамыя - $75,9 млн.

Беларускія суб'екты гаспадарання таксама імкнуцца замацавацца на германскім рынку. У 2015 годзе аб'ём беларускіх інвестыцыйных укладанняў у эканоміку ФРГ склаў $39,3 млн, з іх $11,3 млн - прамыя інвестыцыі.

Член Савета Рэспублікі выказаў надзею, што пабрацімства і ў будучым будзе з'яўляцца стымулюючым складнікам двухбаковых адносін паміж Беларуссю і Германіяй.

Барыс Батура падкрэсліў, што найбольш плённа гарады-пабрацімы выкарыстоўваюць у сваім узаемадзеянні сацыяльную сферу, культуру і спорт. Станоўчымі прыкладамі 'зяўляецца супрацоўніцтва па лініі Брэст - Равенсбург і Вайнгартэн, Маладзечна - Эслінген.

Асобныя партнёрскія пары абмяжоўваюцца толькі гуманітарнымі праграмамі. Да іх ліку адносяцца Гродна - Міндэн, Светлагорск - Хельмштэт, Лунінец - Шэнефельд, Рэчыца - Букстэхудэ.

Пры гэтым Барыс Батура выказаў меркаванне, што неабходна шукаць новыя шляхі пашырэння пабрацімскага супрацоўніцтва.

"Гарадам-пабрацімам па сілах узаемавыгадныя праекты па вырашэнні многіх агульных праблем. Напрыклад, навакольнага асяроддзя, рэсурсазберажэння, абмену ноу-хау, у галіне тэхналогій і камунікацый", - адзначыў кіраўнік "Пародненых гарадоў".

Цяпер Беларусь і Германія маюць 19 пабрацімскіх пар.