Бізнес-навіны

У НЦМ абмеркавалі развіццё дзелавога супрацоўніцтва Беларусі і Азербайджана

Фота з архiва

15 снежня, Мінск /Кар. БЕЛТА/. Дырэктар Нацыянальнага цэнтра маркетынгу Мікалай Барысевіч правёў сустрэчу з паслом Азербайджана ў Беларусі Ульві Бахшаліевым, паведамілі БЕЛТА ў прэс-службе НЦМ.

У цэнтры ўвагі знаходзіліся пытанні, звязаныя з развіццём дзелавога супрацоўніцтва паміж нашымі краінамі. У прыватнасці, размова ішла аб умацаванні партнёрскіх адносін цэнтра са структурамі Азербайджана, якія займаюцца пытаннямі ЗЭД, і аб гатоўнасці цэнтра аказваць садзейнічанне пасольству Азербайджана ў вывучэнні эканамічнага патэнцыялу беларускіх рэгіёнаў.

Акрамя таго, бакі абмеркавалі важнасць узаемадзеяння ў частцы арганізацыі мерапрыемстваў для дзелавых колаў, а таксама неабходнасць стварэння спрыяльных умоў для бізнесу, якія адпавядалі б трывалым вузам шматгадовай дружбы Беларусі і Азербайджана.

версія для друку

зрабіць стартавай

дабавіць у выбранае