Бізнес-навіны

У НАН распрацаваны мікробны прэпарат для раслін на аснове бактэрый, выдзеленых з азімай пшаніцы

Фота з архiва

4 красавіка, Мінск /Кар. БЕЛТА/. Інстытут мікрабіялогіі Нацыянальнай акадэміі навук Беларусі распрацаваў прынцыпова новы для краіны мікробны прэпарат, заснаваны на бактэрыях (эндафітных азотфіксуючых і фасфатсалюбілізуючых), выдзеленых з азімай пшаніцы, паведамілі БЕЛТА ў прэс-службе НАН.

Гэтыя бактэрыі паляпшаюць забяспечанасць раслін біялагічным азотам і фосфарам, што стымулюе рост і развіццё раслін, а таксама павышае стрэсаўстойлівасць і ўраджайнасць азімай пшаніцы.

Мікробны прэпарат прызначаны для перадпасяўной апрацоўкі насення і раслін азімай пшаніцы па вегетацыі. Пры апрацоўцы насення і вегетуючых раслін мікробным прэпаратам узрастае колькасць азотфіксуючых і фасфатсалюбілізуючых мікраарганізмаў у глебе, паляпшаецца перазімоўка раслін.

Па выніках выпрабаванняў устаноўлена, што прымяненне прэпарату садзейнічае павышэнню ўраджайнасці зерня азімай пшаніцы на 13-15 працэнтаў на фоне зніжэння доз мінеральных азотных і фосфарных угнаенняў на 30 працэнтаў за кошт павелічэння забяспечанасці раслін біялагічным азотам і фосфарам. Ён зарэгістраваны ў ДУ "Галоўная дзяржаўная інспекцыя па насенняводстве, каранціне і ахове раслін" для стымуляцыі росту і павышэння прадукцыйнасці азімай пшаніцы ў раздзеле "Мікрабіялагічныя ўгнаенні".

Выпуск прэпарату арганізаваны ў Навукова-вытворчым цэнтры біятэхналогій Інстытута мікрабіялогіі НАН Беларусі.

версія для друку

зрабіць стартавай

дабавіць у выбранае