Бізнес-навіны

У Беларусі выпусцілі доследныя серыі вакцын "Спадарожнік V" і "Спадарожнік Лайт" па поўным цыкле

23 снежня, Мінск /Кар. БЕЛТА/. У Беларусі выпусцілі доследныя серыі вакцын "Спадарожнік V" і "Спадарожнік Лайт" па поўным цыкле, паведамілі БЕЛТА ў прэс-службе Міністэрства аховы здароўя.

"Спецыялісты РУП "Белмедпрэпараты" выканалі важны этап сумеснага беларуска-расійскага праекта - выпуск вакцыны "Спадарожнік V" па поўным цыкле. На беларускім прадпрыемстве 22 снежня былі выпушчаны першыя валідацыйныя серыі "Спадарожнік V" і "Спадарожнік Лайт", - паведамілі ў прэс-службе.

Плануецца, што 23 снежня гэтыя серыі пойдуць на кантроль якасці ў інстытут Гамалеі ў Расію. "Па планах, яны будуць закладзены на даследаванне стабільнасці. На гэтых узорах будзе даследавацца стабільнасць прэпарату пры захоўванні", - растлумачылі ў прэс-службе.

Як растлумачыў журналістам генеральны дырэктар РУП "Белмедпрэпараты" Сяргей Бяляеў, беларускі бок вырабіў поўнасцю гэты прадукт па поўным цыкле пачынаючы ад вытворчасці актыўнага кампанента да выпуску гатовай формы.

"Калі ўсё будзе па плане, то да лета, у чэрвені - ліпені, ужо мы будзем гатовы вырабіць прадукт, даступны нашаму насельніцтву", - сказаў ён.

Гендырэктар дадаў, што рэалізаваны адзін з этапаў беларуска-расійскага праекта, а наперадзе яшчэ шмат работы, "шмат этапаў, якія трэба будзе прайсці сумесна з расійскімі калегамі".

Над праектам у Беларусі працавалі амаль год, дадаў Сяргей Бяляеў.

версія для друку

зрабіць стартавай

дабавіць у выбранае