Бізнес-навіны

У Беларусі сабралі амаль 182 тыс. тон агародніны

Фота з архiва

15 лістапада, Мінск /Кар. БЕЛТА/. У Беларусі сабралі амаль 182 тыс. т агародніны. Аб гэтым інфармуе афіцыйны тэлеграм-канал Мінсельгасхарча, паведамляе БЕЛТА.

У Беларусі ва ўсіх катэгорыях гаспадарак паводле даных на 15 лістапада намалочана збожжа, уключаючы рапс, 9454,6 тыс. т.

Убрана 243,7 тыс. га плошчаў з кукурузай. Намалочана гэтай культуры на зерне 2021,3 тыс. т с ураджайнасцю 82,9 ц/га. Сабрана зялёнай масы кукурузы 22841,9 тыс. т.

Цукровыя буракі ўбраны на 99,7 тыс. га. Накапана 4866,7 тыс. т салодкага караняплода пры ўраджайнасці 488 ц/га.

Сабрана агародніны 181,8 тыс. т. Ураджайнасць складае 317,4 ц/га.

Акрамя таго ў Беларусі нарыхтавана 9267,2 тыс. т травяных кармоў, што складае 95,9 працэнта да плана.

версія для друку

зрабіць стартавай

дабавіць у выбранае