Бізнес-навіны

У Беларусі раннія яравыя пасеялі на плошчы амаль 35 тыс. га

Фота з архiва

20 сакавіка, Мінск /Кар. БЕЛТА/. У Беларусі раннія яравыя збожжавыя і зернебабовыя пасеяны на плошчы 34,7 тыс. га. Аб гэтым паведамілі БЕЛТА ў Міністэрстве сельскай гаспадаркі і харчавання.

Раннія яравыя збожжавыя і зернебабовыя культуры (без кукурузы, грэчкі, проса) пасеяны на 34,7 тыс. га, што складае 5,57 працэнта да плана. У Брэсцкай вобласці гэтыя культуры пасеяны на плошчы 20,7 тыс. га, Віцебскай - 0,42 тыс. га, Гомельскай - 3,59 тыс. га, Гродзенскай - 7,49 тыс. га, Мінскай - 2,08 тыс. га, Магілёўскай - 0,47 тыс. га.

Узорванне глебы праведзена на 216,8 тыс. га, што складае 28,4 працэнта ад плана. Глеба пад сяўбу ранніх яравых падрыхтавана на 124,9 тыс. га - гэта 20 працэнтаў да плана. Таксама вядзецца падкормка культур: азімыя збожжавыя падкормлены на плошчы 875,3 тыс. га (57,3 працэнта да плана), крыжакветныя на зерне - 207,8 тыс. га (48,4 працэнта да плана), шматгадовыя травы на ворыве - 94,4 тыс. га (10,23 працэнта да плана), палепшаныя лугапашавыя ўгоддзі - 142,8 тыс. га (11,3 працэнта да плана).

версія для друку

зрабіць стартавай

дабавіць у выбранае