Бізнес-навіны

У Беларусі пастаўлена задача выйсці на $100 млн па экспарце прадуктаў харчавання ў Кітай

2 сакавіка, Мінск /Кар. БЕЛТА/. У Беларусі пастаўлена задача выйсці на $100 млн па экспарце прадуктаў харчавання ў Кітай. Аб гэтым заявіў у эфіры тэлеканала "Беларусь 1" намеснік прэм'ер-міністра Міхаіл Русы, паведамляе БЕЛТА.

"Наша прадукцыя сёння адпраўляецца прыкладна ў 80 краін. Але размова ідзе іншым разам пра дзясяткі тон, а трэба выходзіць на мільёны. Адзін з асноўных напрамкаў - рынак Кітая. Пакуль робім першыя крокі. У мінулым годзе прадалі туды прадукцыі на $17 млн. Ставім задачу ў бягучым годзе выйсці на $100 млн продажу прадуктаў харчавання ў Кітай, які ў гэтым зацікаўлены. Якасць іх задавольвае", - сказаў Міхаіл Русы.

Больш за 30 айчынных прадпрыемстваў розных напрамкаў ужо атэставаны для паставак сваёй прадукцыі ў Паднябесную.

"Першае, нельга пакідаць рынкі, на якіх ужо стаім. Другое, трэба выходзіць на рынкі трэціх краін: Сірыя, Егіпет, Турцыя. Мы працуем і з еўрапейскімі рынкамі, у ЗША пастаўляецца прадукцыя", - адзначыў Міхаіл Русы.

версія для друку

зрабіць стартавай

дабавіць у выбранае