Бізнес-навіны

У Беларусі будуць развіваць вытворчасць рэактыўных снарадаў

13 чэрвеня, Мінская вобласць /Кар. БЕЛТА/. У Беларусі будуць развіваць вытворчасць рэактыўных снарадаў. Аб гэтым заявіў журналістам старшыня Дзяржаўнага ваенна-прамысловага камітэта Дзмітрый Пантус, перадае карэспандэнт БЕЛТА.

Дзмітрый Пантус расказаў, што ў канцы мінулага года кіраўнік дзяржавы даручыў арганізаваць у Беларусі серыйную вытворчасць боепрыпасаў. За аснову быў выбраны самы масавы тып - рэактыўны снарад 122 мм.

Над вытворчасцю гэтых боепрыпасаў у Беларусі сёння працуюць больш за 20 прадпрыемстваў, што ўваходзяць у сістэму Дзяржкамваенпрама і Міністэрства прамысловасці. Асобныя з іх маюць прыватную форму ўласнасці. Прадпрыемства, якое наведаў Прэзідэнт, займаецца канечнай зборкай боепрыпасаў. Цікава, што гэты працэс адбываецца выключна ўручную. Але гэта сусветная практыка, паколькі такая работа патрабуе асаблівай дакладнасці.

"Трэба аддаць належнае ўраду і асабіста прэм'ер-міністру, які курыраваў рэалізацыю гэтага праекта. Вы бачыце, што нам гэта ўдалося. У бліжэйшым будучым мы плануем развіваць названы напрамак і пашыраць свае магчымасці і патэнцыял", - падкрэсліў старшыня Дзяржаўнага ваенна-прамысловага камітэта.

версія для друку

зрабіць стартавай

дабавіць у выбранае