Бізнес-навіны
Тыдзень беларускага прадпрымальніцтва пройдзе 24 лютага - 3 сакавіка
23 лютага, Мінск /Юлія Огнева - БЕЛТА/. ІІ Тыдзень беларускага прадпрымальніцтва пройдзе з 24 лютага па 3 сакавіка, паведаміў сёння журналістам старшыня прэзідыума Рэспубліканскай канфедэрацыі прадпрымальніцтва Уладзімір Карагін, перадае карэспандэнт БЕЛТА.
"Прыемна, што пробная ініцыятыва правядзення Тыдня беларускага прадпрымальніцтва ўдалася. Таму праводзім другі тыдзень, у час якога пройдзе больш за 100 мерапрыемстваў", - адзначыў Уладзімір Карагін.
У прыватнасці, 24 лютага ў Мінску адбудзецца IX Рэспубліканская студэнцкая навукова-практычная канферэнцыя "Малы і сярэдні бізнес як драйвер эканамічнага росту". У гэты ж дзень у Оршы пройдзе круглы стол "Роля сацыяльнага прадпрымальніцтва ва ўстойлівым развіцці мясцовых супольнасцей". На 27 лютага запланавана акцыя ў сталіцы і рэгіёнах "Прадпрымальнікі аб прадпрымальніцтве", пройдзе пашыранае пасяджэнне клуба "Ротары Мінск". У Гродне адбудзецца семінар-нарада з ІП на тэму "Аб рабоце індывідуальных прадпрымальнікаў, якія ажыццяўляюць гандаль на рынках і ў гандлёвых цэнтрах ва ўмовах існуючай эканамічнай сітуацыі ў краіне. Аб выпрацоўцы прапаноў па змяненні заканадаўства па паляпшэнні ўмоў для вядзення бізнесу".
1 сакавіка пройдзе XVIII Асамблея дзелавых колаў "Ад узаемаразумення да ўзаемадзеяння".
версія для друку
зрабіць стартавай
дабавіць у выбранае