Бізнес-навіны

Турэцкія дзелавыя колы запрошаны на Беларускі інвестфорум 22 лістапада ў Дубаі

Фота з архiва

10 лістапада, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Турэцкай Рэспубліцы Віктар Рыбак 9 лістапада сустрэўся з міністрам гандлю Мехметам Мушам. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

Бакі абмеркавалі стан і перспектывы развіцця беларуска-турэцкага гандлёва-эканамічнага і інвестыцыйнага супрацоўніцтва ў святле дамоўленасцей, дасягнутых лідарамі дзвюх краін у Анкары ў красавіку 2019 года. Асноўная ўвага была ўдзелена разгляду пытанняў, звязаных з падрыхтоўкай і зместавым напаўненнем адзінаццатага пасяджэння беларуска-турэцкай сумеснай міжурадавай эканамічнай камісіі.

Субяседнікі абмяняліся інфармацыяй аб выніках экспертнай работы мытных службаў Беларусі і Турцыі па запуску пілотнага праекта "Зялёны калідор" у мэтах выканання міжурадавага пагаднення аб сістэме садзейнічання ўзаемнаму гандлю, а таксама аб рэалізацыі іншых праектаў, якія ўяўляюць узаемную цікавасць.

Пасол Беларусі перадаў міністру запрашэнне для ўдзелу турэцкіх дзелавых колаў у Беларускім інвестыцыйным форуме, які адбудзецца 22 лістапада падчас Нацыянальнага дня Рэспублікі Беларусь на ЭКСПА-2020 у Дубаі, а таксама камерцыйныя і інвестыцыйныя прапановы беларускіх прадпрыемстваў і арганізацый.

Па выніках сустрэчы дасягнута дамоўленасць прадоўжыць практычнае ўзаемадзеянне па закранутых падчас сустрэчы пытаннях.

версія для друку

зрабіць стартавай

дабавіць у выбранае