Бізнес-навіны

Толькі на экспарт - 3-3,5 тыс. кубаметраў. У якія краіны ідзе драўніна з Палесся

Фота з архiва

2 кастрычніка, Мінск /Кар. БЕЛТА/. Дырэктар эксперыментальнай лесапаляўнічай гаспадаркі "Ляскавічы" ДПУ "Нацыянальны парк "Прыпяцкі" Віталь Жогаль у YouTube-праекце БЕЛТА "Па факце: рашэнні Першага" расказаў, у якія краіны пастаўляюць драўніну з Палесся.

Прадукцыя лесапаляўнічай гаспадаркі "Ляскавічы" пастаўляецца ў Азербайджан, Казахстан, Узбекістан, Турцыю і Расію. "Толькі на экспарт мы штомесяц рэалізоўваем 3-3,5 тыс. куб.м. Усё астатняе ідзе на ўнутраны рынак. Гэта рознічны гандаль або рэалізацыя праз Беларускую гандлёва-прамысловую палату. Таксама ў нас ідзе вытворчасць паганажных вырабаў: дошка падлогі, вагонка, імітацыя бруса, падлогавае пакрыццё", - растлумачыў Віталь Жогаль.

На прадпрыемстве праводзяць маштабную мадэрнізацыю. У снежні 2023 года ў эксплуатацыю ўвялі кацельню. Поўнасцю памянялі ўсё тэхналагічнае абсталяванне. Яно было заменена на беларускае. Катлы, напрыклад, гомельскага вытворцы. Цалкам аўтаматызаваная сістэма кіравання рэгулюецца з аднаго рабочага месца.

"Магутнасць кацельні складае 4,5 МВт. Гэта тры катлы, якія працуюць на паліўных шчэпках, адходах, пілавінні. У цэлым на адходах дрэваапрацоўкі, якія ўтвараюцца ў нас на прадпрыемстве. Кацельня ажыццяўляе падачу цепланосьбіта для работы сушыльнай гаспадаркі магутнасцю разавай загрузкі 1 тыс. куб.м", - адзначыў Віталь Жогаль.

Адзін з апошніх этапаў мадэрнізацыі - удасканаленне лесаперапрацоўкі. У асноўным гэта закране замену абсталявання, якое задзейнічана на вытворчасці абразных матэрыялаў. Згодна з планам завяршэнне ўсіх работ - канец красавіка - пачатак мая 2025 года. Плануецца ўстанаўленне лініі расійскага вытворцы.

"Гэта лінія дасць магчымасць нам перапрацоўваць за змену да 350 кубоў круглых лесаматэрыялаў. Колькасць персаналу зменшыцца ў 3-4 разы. Гэта дасць магчымасць нам перанакіраваць вызваленыя працоўныя рэсурсы на вытворчасць іншых відаў прадукцыі", - падкрэсліў Віталь Жогаль.

У эксперыментальнай лесапаляўнічай гаспадарцы пабудавалі і пелетны завод па вытворчасці паліўных гранул. Магутнасць - 20 тыс. т у год.

"На гэты момант вытворчасць закансервавана. Але ў планах па даручэнні Прэзідэнта да канца года запусціць усе пелетныя вытворчасці. У сярэдзіне лістапада ў нас тут пачнецца работа. Калі гаварыць аб рынках збыту, то гэта ў першую чаргу ўнутраны рынак. Таксама мы прапрацоўваем і знешнія рынкі. Гэта і Расія, і Турцыя, і Кітай", - дадаў Віталь Жогаль.

версія для друку

зрабіць стартавай

дабавіць у выбранае