Бізнес-навіны

Танкер з амерыканскай нафтай для Беларусі прыбыў у порт Клайпеды

Фота з архiва

8 чэрвеня, Мінск /Кар. БЕЛТА/. Танкер з амерыканскай нафтай для Беларусі прыбыў у порт Клайпеды, паведаміў карэспандэнту БЕЛТА прэс-сакратар канцэрна "Белнафтахім" Аляксандр Цішчанка.

"У порт Клайпеды 5 чэрвеня ў 23 гадзіны прыбыў і стаў пад разгрузку танкер з 77 тыс.т амерыканскай нафты гатунку Bakken", - паведаміў Аляксандр Цішчанка.

Далей нафта будзе накіравана па чыгунцы на наваполацкі НПЗ - ААТ "Нафтан".

"Гэта 12-я танкерная пастаўка ў бягучым годзе ад альтэрнатыўных пастаўшчыкоў. Агульны аб'ём танкерных паставак перасягнуў ужо 1 млн т нафты", - удакладніў Аляксандр Цішчанка.

Як паведамлялася, танкер выйшаў з порта Beaumont (Техас) 16 мая. Здзелка заключана пры ўдзеле амерыканскага энергатрэйдара United Energy Trading, а таксама пры садзейнічанні амерыканскай кампаніі Getka і іх польскага партнёра UNIMOT.

версія для друку

зрабіць стартавай

дабавіць у выбранае