Бізнес-навіны

Спажыванне электраэнергіі зараднымі станцыямі для электратранспарту павялічылася ўдвая ў Беларусі

Фота з архiва

11 снежня, Мінск /Кар. БЕЛТА/. Аб'ём спажывання электраэнергіі зараднымі станцыямі для электратранспарту ў Беларусі ў 2024 годзе дасягнуў адзнакі 30 млн кВт.гадз і вырас у два разы ў параўнанні з мінулым годам. Аб гэтым паведаміў міністр энергетыкі Аляксей Кушнарэнка ў ходзе сустрэчы з калектывам філіяла "Ашмянскія электрычныя сеткі" прадпрыемства "Гроднаэнерга", паведамілі БЕЛТА ў прэс-службе Мінэнерга.

Міністр расказаў аб развіцці энергетычнай галіны і адзначыў, што колькасць электрамабіляў на дарогах краіны - амаль 21 тыс. "Для развіцця гэтага напрамку ў нашай краіне створаны камфортныя ўмовы, дзейнічаюць стымулюючыя меры. Расце і колькасць гарадскога пасажырскага электратранспарту - сучасных беларускіх электробусаў. Цяпер яны курсіруюць не толькі ў Мінску і абласных цэнтрах, але і ў Жодзіне і Шклове. На сёння такі праект знаходзіцца ў прапрацоўцы ў Наваполацку. Яны забяспечваюць павышэнне камфортнасці пражывання людзей, уносяць уклад у паляпшэнне экалагічнай сітуацыі - садзейнічаюць скарачэнню шкодных выкідаў у атмасферу. Варта адзначыць, што ва ўстаноўцы зарадных станцый прымала ўдзел арганізацыя, якая ўваходзіць у структуру Міністэрства энергетыкі - "Белсельэлектрасеткабуд". Аб'ём спажывання электраэнергіі зараднымі станцыямі для электратранспарту ў 2024 годзе дасягнуў адзнакі 30 млн кВт.гадз і вырас у два разы ў параўнанні з мінулым годам", - адзначыў ён.

Аляксей Кушнарэнка азнаёміўся з дзейнасцю і перспектывамі развіцця філіяла "Ашмянскія электрычныя сеткі" прадпрыемства "Гроднаэнерга", наведаў дыспетчарскую, бытавыя памяшканні персаналу.

Філіял колькасцю большай за 680 чалавек забяспечвае бесперабойным электразабеспячэннем спажыўцоў Ашмянскага, Смаргонскага, Астравецкага, Іўеўскага раёнаў Гродзенскай вобласці.

версія для друку

зрабіць стартавай

дабавіць у выбранае