Бізнес-навіны

"Існуючых магутнасцей недастаткова". У Беларусі маюць намер паглыбляць перапрацоўку драўніны

Фота з архiва

29 кастрычніка, Добруш /Кар. БЕЛТА/. У Беларусі маюць намер паглыбляць перапрацоўку драўніны. Аб гэтым Прэзідэнт Беларусі Аляксандр Лукашэнка заявіў сёння на сустрэчы з работнікамі Добрушскай папяровай фабрыкі "Герой працы", перадае карэспандэнт БЕЛТА.

Кіраўнік дзяржавы звярнуў увагу на наяўнасць вялікай колькасці драўняных рэсурсаў. Існуючыя прадпрыемствы не могуць перапрацаваць перастаялы лес. Зыходзячы з гэтага, у Беларусі пабудавалі каля дзясятка пелетных заводаў. Іх прадукцыя карыстаецца вялікім попытам, у тым ліку за мяжой.

"Перастаяла тры мільёны кубаметраў драўніны. Вы перапрацоўваеце ўсяго паўмільёна. А нам трэба пералапаціць тое, што перастаяла. Да гэтага часу падыдзе яшчэ бяроза і асіна: ліставыя хутка растуць. Нам трэба ствараць дадатковыя магутнасці, каб выхапіць з лесу тое, што можа прапасці", - адзначыў Прэзідэнт.

"Паўстала пытанне, што будзем рабіць далей. У бліжэйшы час урад мне даложыць, як будзем паглыбляць перапрацоўку, каб паўфабрыкат не прадаваць, як будзем будаваць новыя прадпрыемствы. Ёсць і іншаземцы, якія гатовы да нас прыйсці. Інакш кажучы, дрэваапрацоўцы быць", - падкрэсліў Аляксандр Лукашэнка.

Як паведамлялася, ва ўрадзе абмяркоўваецца стварэнне вытворчасці беленай хіміка-тэрмамеханічнай масы на пляцоўцы "Магілёўхімвалакно". Гэта фактычна паўфабрыкат для вытворчасці кардону ў Добрушы.

Як далажыў кіраўніку дзяржавы намеснік прэм'ер-міністра Юрый Назараў, такое прадпрыемства можа каштаваць $200-250 млн. Вядуцца перагаворы з інвестарам. Прэзідэнт даручыў прапрацаваць пытанне, ці можна стварыць гэта прадпрыемства за кошт дзяржаўных сродкаў і сіламі айчынных спецыялістаў.

версія для друку

зрабіць стартавай

дабавіць у выбранае