Бізнес-навіны

Снапкоў: міжрэгіянальнае супрацоўніцтва - фундамент практычнага ўзаемадзеяння Беларусі і Кітая

Фота прэс-службы ўрада

13 ліпеня, Мінск /Кар. БЕЛТА/. Міжрэгіянальнае супрацоўніцтва - фундамент беларуска-кітайскага практычнага ўзаемадзеяння ва ўсіх сферах. Аб гэтым заявіў першы намеснік прэм'ер-міністра Мікалай Снапкоў у час візіту ў правінцыю Шэньсі, паведамілі карэспандэнту БЕЛТА ў прэс-службе ўрада.

На перагаворах з сакратаром партыйнага камітэка КПК правінцыі Шэньсі Чжаа Ідэ Мікалай Снапкоў адзначыў, што гэта правінцыя з'яўляецца надзейным сябрам як Магілёўскай вобласці (з улікам устаноўленага пабрацімства), так і Беларусі ў цэлым.

"Бакі адзначылі вялікі патэнцыял у сумесным развіцці і інвесціраванні. Дамовіліся нарошчваць узаемны тавараабарот, развіваць чыгуначныя перавозкі ў напрамку Беларусь - Кітай - Беларусь, узаемадапаўняльную прамысловую кааперацыю, прыцягваць кітайскія прадпрыемствы да рэалізацыі новых інвестыцыйных праектаў для стварэння паўнацэннага субпарка правінцыі Шэньсі у індустрыяльным парку "Вялікі камень", - праінфармавалі ў прэс-службе.

Мікалай Снапкоў таксама правёў перагаворы з лідзіруючымі вытворцамі аўтакампанентаў на рынку Кітая. З улікам актуальных рыначных патрэбнасцей і вызваленых рыначных ніш, а таксама існуючых у Беларусі развітых кампетэнцый і высокакваліфікаваных кадраў, бакі пацвердзілі намер развіваць дзеючыя сумесныя прадпрыемствы, павялічваючы іх магутнасці па выпуску прадукцыі, а таксама ствараць новыя вытворчасці.

У час дзяржаўнага візіту Прэзідэнта ў Кітай 1 сакавіка бягучага года лідары дзвюх краін вызначылі прыярытэтнасць развіцця міжрэгіянальных сувязей, неабходнасць паглыблення гандлёва-эканамічнага ўзаемадзеяння з буйнымі гарадамі і правінцыямі Кітая і напаўнення практычным зместам. Было прынята рашэнне аб прадаўжэнні на 2023 год Года рэгіёнаў дзвюх краін.

версія для друку

зрабіць стартавай

дабавіць у выбранае