Бізнес-навіны

Сяргей Алейнік і Іштван Надзь абмеркавалі беларуска-венгерскае супрацоўніцтва ў аграрнай сферы

11 красавіка, Мінск /Кар. БЕЛТА/. Міністр замежных спраў Беларусі Сяргей Алейнік 11 красавіка сустрэўся з міністрам сельскай гаспадаркі Венгрыі Іштванам Надзем, паведамілі БЕЛТА ў беларускім знешнепалітычным ведамстве.

"На парадку дня - супрацоўніцтва ў аграрнай сферы", - адзначылі ў Міністэрстве замежных спраў.

Візіт кіраўніка беларускага МЗС у Будапешт пачаўся 11 красавіка. Пад старшынствам Сяргея Алейніка і міністра замежных спраў і знешняга гандлю Венгрыі Петэра Сіярта ў Будапешце 12 красавіка пройдзе пасяджэнне міжурадавай камісіі па эканамічным супрацоўніцтве.

Як паведамлялася, у лютым Петэр Сіярта наведаў з візітам Мінск. Тады была дасягнута дамоўленасць правесці вясной пасяджэнне камісіі па эканамічным супрацоўніцтве. У ходзе сустрэчы бакі дамовіліся актывізаваць сумесную работу ў рамках традыцыйных інстытуцыянальных фарматаў, што стане дадатковым стымулам для пашырэння дыяпазону ўзаемадзеяння.

версія для друку

зрабіць стартавай

дабавіць у выбранае