Бізнес-навіны

Шырокая грашовая маса ў Беларусі за сакавік павялічылася на 8,8 працэнта

Фота з архiва

14 красавіка, Мінск /Кар. БЕЛТА/. Шырокая грашовая маса ў Беларусі, якая ўключае наяўныя грошы ў абарачэнні, сродкі насельніцтва і прадпрыемстваў на рахунках у банках, на 1 красавіка склала Br52,63 млрд, павялічыўшыся ў параўнанні з паказчыкам на 1 сакавіка на 8,8 працэнта, паведамляе БЕЛТА са спасылкай на даныя Нацыянальнага банка.

Аб'ём наяўных грошай у абароце за сакавік зменшыўся да Br3,535 млрд (на 2 працэнты).

Пераводныя дэпазіты зменшыліся на 8,1 працэнта да Br5,342 млрд. Пры гэтым пераводныя дэпазіты фізічных асоб знізіліся на 14,7 працэнта і склалі на 1 красавіка Br2,647 млрд, дэпазіты юрыдычных асоб знізіліся на 0,3 працэнта да Br2,694 млрд.

Грашовая маса ў нацыянальным вызначэнні склалася на ўзроўні Br18,303 млрд і зменшылася за сакавік на 4,1 працэнта.

Аб'ём каштоўных папер, выпушчаных банкамі (па-за банкаўскім абаротам) у нацыянальнай валюце, за сакавік знізіўся да Br1,51 млрд (на 5 працэнтаў).

Рублёвая грашовая маса на 1 красавіка склала Br19,813 млрд і зменшылася за мінулы месяц на 4,2 працэнта.

Дэпазіты ў замежнай валюце павялічыліся на 20,1 працэнта да Br31,216 млрд.

Аб'ём каштоўных папер, выпушчаных банкамі (па-за банкаўскім абаротам) у замежнай валюце, за сакавік знізіўся да Br1,496 млрд (на 8,9 працэнта).

версія для друку

зрабіць стартавай

дабавіць у выбранае