Бізнес-навіны

Рознічны тавараабарот у Беларусі ў студзені-лютым вырас на 12,6 працэнта

Фота з архiва

18 сакавіка, Мінск /Кар. БЕЛТА/. Рознічны тавараабарот у Беларусі ў студзені - лютым 2024 года склаў Br12,4 млрд, або 112,6 працэнта ў супастаўных цэнах да ўзроўню аналагічнага перыяду 2023 года. Аб гэтым паведамілі БЕЛТА ў Нацыянальным статыстычным камітэце.

Аднадзённы рознічны тавараабарот у разліку на душу насельніцтва з пачатку года склаў Br22,4 супраць Br19,3 за адпаведны перыяд папярэдняга года.

Рознічны тавараабарот арганізацый гандлю, на які прыпала 94,7 працэнта рознічнага тавараабароту краіны, у студзені - лютым 2024 года склаў Br11,7 млрд, або 113,6 працэнта ў супастаўных цэнах да аналагічнага перыяду мінулага года.

Аптовы тавараабарот склаў Br26,7 млрд, або 108,1 працэнта ў супастаўных цэнах да ўзроўню студзеня - лютага 2023 года.

Тавараабарот грамадскага харчавання склаў Br859,5 млн, або 109,2 працэнта ў супастаўных цэнах да ўзроўню студзеня - лютага 2023-га.

версія для друку

зрабіць стартавай

дабавіць у выбранае