Бізнес 
Бізнес-навіны
17 Ліс 2017
Рэканструкцыя аўтадарогі Мінск-Барысаў пачнецца не пазней за 2020 год
17 лістапада, Мінск /Юлія Дылянок - БЕЛТА/. Рэканструкцыя аўтадарогі Мінск-Барысаў пачнецца не пазней за 2020 год. Аб гэтым заявіў Прэзідэнт Беларусі Аляксандр Лукашэнка ў час сустрэчы з калектывам СЗАТ "БелДжы", перадае карэспандэнт БЕЛТА.
"Максімум у 2020 годзе ў нас будзе рэканструкцыя гэтай дарогі. Гэта дарога маёй маладосці, калі хочаце. Я па ёй шмат разоў ездзіў, калі яшчэ не было аб'язной ад Мінска да Барысава. Тады менш было транспарту, цалкам дастаткова яе было. Сёння па ёй праехаў і думаю, што яна ўжо слабаватая. Але я хутка даехаў, літаральна за 20 мінут. Ведаю, што вам больш трэба часу. І зразумеў, што дарогу трэба шліфануць", - адзначыў Аляксандр Лукашэнка.
Кіраўнік дзяржавы сказаў, што прыблізны кошт работ складае
$150 млн. "Гэта вялікія грошы - лічы, паўзавода. Да 2020 года або ў 2020 годзе мы пачнём прыводзіць яе ў парадак, каб затораў не было. Можа быць, калі грошы з'явяцца, яшчэ дабавім паласу, каб яна была шырокай. Мне хочацца гэту дарогу прывесці ў парадак. Таму што якой бы аб'язной дарогі ні было, гэта дарога патрэбна, яна будзе запатрабавана заўсёды", - сказаў на заканчэнне Прэзідэнт.
версія для друку
зрабіць стартавай
дабавіць у выбранае
© BELARUS.BY,
2009 - 2025