Бізнес-навіны
Рэгуляванне крэдытнай актыўнасці ў Беларусі будзе ісці на рыначных прынцыпах
30 студзеня, Мінск /Кар. БЕЛТА/. Рэгуляванне крэдытнай актыўнасці ў Беларусі будзе ісці на рыначных прынцыпах. Аб гэтым БЕЛТА паведамілі ва ўпраўленні інфармацыі і грамадскіх сувязей Нацыянальнага банка па выніках пашыранага пасяджэння праўлення Нацбанка.
У Нацбанку нагадалі, што з 1 лютага 2015 года будуць адменены ўсе прамыя абмежаванні на крэдытаванне эканомікі. "Рэгуляванне крэдытнай актыўнасці будзе ісці на рыначных прынцыпах на аснове агульнапрынятага рыначнага інструментарыю", - сказалі ва ўпраўленні Нацбанка.
"Пры вызначэнні сваіх планаў па крэдытаванні банкам трэба кіравацца, перш за ўсё, неабходнасцю забеспячэння збалансаванасці актываў і пасіваў, складаючы з гэтай мэтай на рэгулярнай аснове прагнозы дынамікі актываў і пасіваў, распрацаваныя з улікам асноўных макраэканамічных паказчыкаў", - дадалі ва ўпраўленні.
Урад і Нацбанк сумесна з банкамі вызначылі параметры крэдытавання дзяржаўных праграм і мерапрыемстваў. "Банкі павінны ажыццяўляць крэдытаванне зыходзячы з наяўнасці рэальных крыніц фінансавання і адсутнасці рэсурснай падтрымкі з боку Нацыянальнага банка. Пры гэтым кіраўнікі банкаў будуць несці персанальную адказнасць за ўзгадненне праектаў аб крэдытаванні дзяржаўных праграм і мерапрыемстваў без наяўнасці адпаведных крыніц фінансавання", - падкрэслілі ў Нацбанку.
версія для друку
зрабіць стартавай
дабавіць у выбранае