Бізнес-навіны

РЧ і БЧ разгледзелі пытанні арганізацыі грузавых і пасажырскіх перавозак

Фота БЧ

7 сакавіка, Мінск /Кар. БЕЛТА/. У Мінску адбыліся перагаворы начальніка Беларускай чыгункі Уладзіміра Марозава і начальніка Кастрычніцкай чыгункі - філіяла ААТ "РЧ" Віктара Галамолзіна. Мерапрыемства прайшло ў Цэнтры кіравання перавозкамі БЧ, паведамілі БЕЛТА ў прэс-цэнтры БЧ.

У ходзе сустрэчы падведзены вынікі арганізацыі пасажырскіх і грузавых перавозак у 2023 годзе, абмеркаваны перспектыўныя напрамкі іх развіцця ў 2024 годзе, а таксама пытанні ўзаемадзеяння па мадэрнізацыі ўчасткаў інфраструктуры і пропуску поездапатоку.

Уладзімір Марозаў падкрэсліў, Беларуская і Кастрычніцкая чыгункі, аператыўна рэагуючы на змяненне транспартна-лагістычнага рынку, вызначылі і паспяхова рэалізуюць неабходныя мерапрыемствы па развіцці ўчасткаў чыгуначнай інфраструктуры ў напрамку партоў Паўночна-Заходняга рэгіёна Расійскай Федэрацыі.

На перагаворах адзначана, што выпрацаваныя сумесныя рашэнні і ўзгодненасць дзеянняў дадуць магчымасць Беларускай і Кастрычніцкай чыгункам у 2024 годзе забяспечыць бесперабойную работу чыгуначнага транспарту для задавальнення ўсё большых  патрэбнасцей нашых краін у перавозках грузаў і пасажыраў.

Таксама кіраўнікі наведалі "Белнафтахім" і абмеркавалі бягучыя пытанні па арганізацыі ўзаемадзеяння пры пастаўках прадукцыі канцэрна на экспарт праз парты Паўночна-Заходняга рэгіёна Расійскай Федэрацыі, а таксама планы работы ў 2024 годзе і ў наступныя гады.

версія для друку

зрабіць стартавай

дабавіць у выбранае