Бізнес-навіны

Пуцін даручыў садзейнічаць развіццю праектаў Беларусі на Балтыцы

Уладзімір Пуцін. Фота ТАСС

4 сакавіка, Мінск /Кар. БЕЛТА/. Прэзідэнт Расіі Уладзімір Пуцін лічыць неабходным дапамагаць развіццю праектаў Беларусі на Балтыцы, паведамляе ТАСС.

"Нашы беларускія сябры зацікаўлены ў тым, каб прысутнічаць на Балтыцы, зацікаўлены ў развіцці сваіх уласных партовых збудаванняў", - сказаў Уладзімір Пуцін, выступаючы па відэасувязі на цырымоніі падняцця сцяга новага парома "Маршал Ракасоўскі".

"Я гэта таксама падтрымліваю, я прасіў вас аказаць усялякае садзейнічанне", - звярнуўся Уладзімір Пуцін да губернатара Ленінградскай вобласці Аляксандра Драздзенкі і іншых удзельнікаў цырымоніі.

"Гэта датычыцца самых розных месцаў, розных пунктаў, розных збудаванняў, дзе нашы беларускія сябры маглі б ажыццяўляць гэтыя праекты", - удакладніў прэзідэнт, але растлумачыў, што цяпер   не будзе ўдавацца ў дэталі, заўважыўшы толькі, што "ёсць розныя варыянты".

"Яшчэ раз хачу вярнуцца да гэтай тэмы і прашу вас падтрымаць усе гэтыя планы. Яны маюць значэнне не толькі для Беларусі, але і для нас, таму што гэта развіццё нашай інфраструктуры, развіццё на нашым беразе, павелічэнне грузаперавозак для нашай краіны", - падкрэсліў кіраўнік расійскай дзяржавы. Паводле яго слоў, "адпаведна, тыя выгады, якія будзе атрымліваць Беларусь, таксама будуць у значнай ступені распаўсюджвацца на эканоміку Расійскай Федэрацыі". "Мы ў гэтым таксама зацікаўлены", - адзначыў Уладзімір Пуцін.

версія для друку

зрабіць стартавай

дабавіць у выбранае