Бізнес-навіны

Прадпрыемствы "Беллегпрама" за студзень - жнівень нарасцілі экспарт прадукцыі на 7 працэнтаў

Фота з архiва

25 кастрычніка, Мінск /Кар. БЕЛТА/. Прадпрыемствы канцэрна "Беллегпрам" за студзень - жнівень нарасцілі экспарт прадукцыі на 7 працэнтаў. Аб гэтым журналістам паведаміла намеснік старшыні "Беллегпрама" Наталля Мурашка на палях міжнароднай выстаўкі-кірмашу па аптовым продажы тавараў лёгкай прамысловасці BTI-2023, перадае карэспандэнт БЕЛТА.

"Тэмп росту экспарту тавараў лёгкай прамысловасці канцэрна склаў 107 працэнтаў па выніках студзеня - жніўня гэтага года. У тым ліку ў Расію - 124 працэнты", - сказала Наталля Мурашка.

Гаворачы аб інтарэсе расійскіх партнёраў да беларускай прадукцыі, намеснік старшыні адзначыла, што ёсць два віды спажыўцоў тавараў лёгкай прамысловасці. "Ёсць спажыўцы гатовых тавараў (адзення і абутку), даволі развіта сетка фірменных магазінаў. А таксама ёсць блок паўсыравінных тавараў - гэта тканіны. Спажыўцом тут выступаюць вытворчыя прадпрыемствы, якія потым з нашай прадукцыі вырабляюць гатовыя рэчы. Інтарэс да напрамкаў высокі", - падкрэсліла Наталля Мурашка.

Расія - гістарычна асноўны партнёр канцэрна, дадала яна. "Больш за 80 працэнтаў экспарту канцэрна прыпадае на Расійскую Федэрацыю. Мы супрацоўнічаем практычна з усімі рэгіёнамі", - сказала намеснік старшыні. Яна адзначыла таксама, што асноўная мэта Беларусі на рынку Расійскай Федэрацыі - паглыбленне вытворчай кааперацыі ў галіне лёгкай прамысловасці. "Мы зацікаўлены ў размяшчэнні заказаў на пашыў прадукцыі і пошуку такіх пляцовак", - рэзюмавала Наталля Мурашка.

версія для друку

зрабіць стартавай

дабавіць у выбранае