Бізнес-навіны

4 лістапада, Мінск /Кар. БЕЛТА/. Прадпрыемствы Беларусі плануецца прыцягнуць да абнаўлення інфраструктуры горада Сумгаіт у Азербайджане. Такія перспектывы абмяркоўваліся на сустрэчы Надзвычайнага і Паўнамоцнага Пасла Беларусі ў Азербайджане Генадзя Ахрамовіча з мэрам Сумгаіта Закірам Фараджавым, паведамілі БЕЛТА ў прэс-службе беларускага МЗС.

У час сустрэчы абмяркоўваліся таксама пытанні актывізацыі супрацоўніцтва паміж Сумгаітам і яго беларускім пабрацімам Магілёвам.

"Бакі пацвердзілі ўзаемнае імкненне да актывізацыі міжрэгіянальнага супрацоўніцтва", - адзначылі ў прэс-службе.