Бізнес-навіны

25 красавіка, Мінск /Кар. БЕЛТА/. Пяць беларускіх птушкафабрык пачнуць пастаўкі прадукцыі ў Кітай, паведаміў карэспандэнту БЕЛТА начальнік галоўнага ўпраўлення знешнеэканамічнай дзейнасці Мінсельгасхарча Беларусі Аляксей Багданаў.

"Па выніках праведзеных інспекцый, а таксама візіту кітайскай дэлегацыі на чале з намеснікам міністра Галоўнага дзяржаўнага ўпраўлення па кантролі якасці, інспекцыі і каранціне КНР кітайскі бок прыняў рашэнне адкрыць пяць беларускіх птушкафабрык для паставак мяса птушкі ў Кітай. Цяпер Мінсельгасхарч завяршае ўзгадненне ветсертыфіката для таго, каб прадпрыемствы змаглі ўжо ў маі пачаць пастаўкі мяса птушкі на кітайскі рынак", - сказаў Аляксей Багданаў.