Бізнес-навіны

Петрышэнка расказаў, як у СНД рэалізуецца ініцыятыва Беларусі па ўстараненні бар'ераў у гандлі

20 верасня, Масква /Эдуард Півавар - БЕЛТА/. На праведзеным 20 верасня ў Маскве пасяджэнні Эканамічнага савета СНД была прадстаўлена інфармацыя аб тым, як рэалізуецца ініцыятыва Беларусі па ўстараненні бар'ераў у гандлі ў СНД. Аб гэтым па выніках пасяджэння расказаў журналістам віцэ-прэм'ер Беларусі Ігар Петрышэнка, перадае карэспандэнт БЕЛТА.

"Па ініцыятыве беларускага боку былі прыняты адпаведныя рашэнні Эканамічнага савета, Савета кіраўнікоў урадаў, створана рабочая група высокага ўзроўню, якая падрыхтавала адпаведную інфармацыю. З 37 бар'ераў, якія дзяржавы СНД абазначылі ў працэсе работы гэтай групы, 28 ужо знята. Астатнія бар'еры знаходзяцца ў прапрацоўцы і таксама ёсць станоўчыя тэндэнцыі па іх зняцці", - сказаў Ігар Петрышэнка.

"Гэта садзейнічае таму, што ўзаемны тавараабарот у рамках Садружнасці будзе павялічвацца, у тым ліку з улікам уступлення ў сілу пагаднення аб зоне свабоднага гандлю паслугамі. Гэта пагадненне ўжо ратыфікавалі тры краіны, на завяршальнай стадыі знаходзяцца Казахстан і Узбекістан", - адзначыў віцэ-прэм'ер.

Ён таксама ўдакладніў, што астатнія бар'еры ў гандлі ў СНД датычацца спагнання некаторымі краінамі Садружнасці пошлін на асобныя тавары партнёраў, а таксама сферы тэхнічнага рэгулявання. "У рамках Еўразійскага эканамічнага саюза мы больш актыўна рушылі наперад (у пытаннях зняцця бар'ераў. - Заўвага БЕЛТА), дэлегавалі адпаведныя паўнамоцтвы наднацыянальнаму органу і цяпер наша задача, каб тыя механізмы, якія апрабаваны і рэалізуюцца ў рамках ЕАЭС, экстрапаліраваць на краіны СНД", - дадаў віцэ-прэм'ер.

Усяго, паводле яго слоў, на пасяджэнні Эканамічнага савета СНД было разгледжана каля 20 пытанняў парадку дня.

версія для друку

зрабіць стартавай

дабавіць у выбранае