Бізнес-навіны

Першыя вынікі работы БелАЭС і яе інтэграцыі ў эканоміку Беларусі прадстаўлены ў МАГАТЭ

Фота з архiва

18 верасня, Мінск /Кар. БЕЛТА/. Стэнд Беларускай АЭС прадстаўлены ў штаб-кватэры МАГАТЭ ў рамках праграмы мерапрыемстваў 68-й сесіі Генеральнай канферэнцыі МАГАТЭ, паведамілі БЕЛТА ў аддзеле інфармацыі і грамадскіх сувязей БелАЭС.

У сваім выступленні на адкрыцці стэнда генеральны дырэктар Беларускай АЭС Сяргей Бабовіч адзначыў першарадную ролю ў рэалізацыі праекта Прэзідэнта Беларусі Аляксандра Лукашэнкі. Кіраўнік атамнай электрастанцыі падзякаваў за ўсебаковую падтрымку і тэхнічную дапамогу МАГАТЭ, адзначыў пазітыўныя перамены, якія адбыліся як у рэгіёне ўзвядзення АЭС, так і ў краіне ў цэлым дзякуючы атамнай электрастанцыі.

"Перавагі атамнай энергетыкі відавочныя. І яны датычацца не толькі эканомікі, але і іншых сфер грамадскага жыцця: навукі, адукацыі, медыцыны, імклівага развіцця новых тэхналогій і кампетэнцый", - падкрэсліў у сваім выступленні Сяргей Бабовіч.

Беларуская АЭС удзельнічае ў выстаўках на палях генеральнай канферэнцыі МАГАТЭ з 2015 года. У адпаведнасці з прынцыпамі адкрытасці і транспарэнтнасці, Беларусь у поўным аб'ёме інфармавала прадстаўнікоў міжнароднай ядзернай энергетычнай супольнасці аб усіх этапах будаўніцтва АЭС. У бягучым годзе на стэндзе прадпрыемства прадстаўлена інфармацыя аб першых выніках работы Беларускай АЭС і яе інтэграцыі ў эканоміку Беларусі.

версія для друку

зрабіць стартавай

дабавіць у выбранае