Бізнес-навіны

Першы энергаблок БелАЭС выпрацаваў 11,7 млрд кВт.гадз электраэнергіі

Фота з архiва

3 лютага, Астравецкі раён /Кар. БЕЛТА/. Першы энергаблок БелАЭС з моманту ўключэння ў аб'яднаную энергасістэму выпрацаваў 11,7 млрд кВт.гадз. Аб гэтым паведаміў сёння журналістам намеснік міністра энергетыкі Міхаіл Міхадзюк, перадае карэспандэнт БЕЛТА.

Як расказаў Міхаіл Міхадзюк, гэта дазволіла замясціць каля 3,3 млрд куб.м прыроднага газу. Цяпер блок працуе на намінальнай магутнасці.

З уводам другога энергаблока БелАЭС будзе штогод атрымліваць каля 18,5 млрд кВт.гадз электраэнергіі і забяспечыць каля 40 працэнтаў унутраных патрэбнасцей краіны.

Атамная станцыя - гэта не толькі гарант энергетычнай бяспекі Беларусі, але і ўклад краіны ў агульную справу па змякчэнні наступстваў змянення клімату. За кошт уводу БелАЭС выкіды вуглякіслага газу будуць скарачацца прыкладна на 7 млн т за год.

версія для друку

зрабіць стартавай

дабавіць у выбранае