Бізнес-навіны

Першы энергаблок БелАЭС даў магчымасць замясціць амаль 4,4 млрд куб.м прыроднага газу

Фота з архiва

18 ліпеня, Мінск /Кар. БЕЛТА/. Першы энергаблок БелАЭС даў магчымасць замясціць амаль 4,4 млрд куб.м прыроднага газу, паведамілі БЕЛТА ў прэс-службе Мінэнерга.

З моманту ўключэння блока ў аб'яднаную энергасістэму выпрацавана 16,3 млрд кВт.гадз электраэнергіі. "Гэта дало магчымасць замясціць істотны аб'ём прыроднага газу - амаль 4,4 млрд куб.м", - расказаў міністр энергетыкі Віктар Каранкевіч.

З уводам другога энергаблока ў прамысловую эксплуатацыю атамная станцыя будзе генерыраваць амаль 18,5 млрд кВт.гадз электраэнергіі ў год.

Цяпер другі энергаблок БелАЭС праходзіць этап доследна-прамысловай эксплуатацыі, праводзяцца дынамічныя выпрабаванні. З моманту яго ўключэння ў сетку выпрацавана 840 млн кВт.гадз электраэнергіі.

У рамках сустрэчы з працоўным калектывам філіяла "Гомельскія электрычныя сеткі" РУП "Гомельэнерга" Віктар Каранкевіч расказаў аб патэнцыяле атамнай энергетыкі і ролі БелАЭС ва ўмацаванні энергетычнай бяспекі краіны, рэалізацыі мерапрыемстваў па інтэграцыі станцыі ў энергасістэму, а таксама стварэнні ўмоў для павелічэння электраспажывання рэальным сектарам эканомікі і насельніцтвам. Міністр удзяліў увагу пытанням мадэрнізацыі электрасеткавай інфраструктуры, рэалізацыі важнейшых для галіны інвестпраектаў. Размова таксама ішла аб фарміраванні агульных энергарынкаў Саюзнай дзяржавы. Акрамя таго, у час дыялогу з калектывам філіяла былі закрануты пытанні дэмаграфічнай бяспекі і маладзёжнай палітыкі.

версія для друку

зрабіць стартавай

дабавіць у выбранае