Бізнес-навіны

ПДВ на некаторыя кандытарскія вырабы павялічылі ў Беларусі

Фота з архiва

11 студзеня, Мінск /Кар. БЕЛТА/. У Беларусі з 1 студзеня павялічылі ПДВ на некаторыя кандытарскія вырабы. Адпаведныя змяненні ўнесены ў Падатковы кодэкс, паведамілі БЕЛТА ў прэс-цэнтры Міністэрства па падатках і зборах.

Асобныя пазіцыі харчовых тавараў пры іх рэалізацыі на тэрыторыі Беларусі, пры іх увозе ў краіну абкладаюцца ПДВ па стаўцы 20 працэнтаў замест ранейшай стаўкі 10 працэнтаў.

Да 1 студзеня ПДВ па стаўцы 10 працэнтаў абкладаліся хлеб, хлебабулачныя і мучныя кандытарскія вырабы, за выключэннем экструдзіраваных або выцягнутых прадуктаў, вострых або салёных.

З гэтага года ПДВ 10 працэнтаў захоўваецца для хлеба і хлебабулачных вырабаў. Стаўка 20 працэнтаў будзе для імбірнага пячэння і аналагічных вырабаў, салодкага сухога пячэння, вафель і некаторай іншай прадукцыі.

версія для друку

зрабіць стартавай

дабавіць у выбранае