Бізнес-навіны

Павелічэнне паставак, будаўніцтва МТК. Беларусь і Казахстан намецілі напрамкі па супрацоўніцтве ў АПК

Фота з архiва

15 снежня, Мінск /Кар. БЕЛТА/. У Мінсельгасхарчы адбылося чацвёртае пасяджэнне сумеснай беларуска-казахстанскай рабочай групы па выпрацоўцы перспектыўных напрамкаў двухбаковага супрацоўніцтва ў галіне сельскай гаспадаркі, паведамілі БЕЛТА ў прэс-службе ведамства.

"Па выніках работы групы дасягнуты дамоўленасці аб актывізацыі сумеснай дзейнасці, пашырэнні дзелавых кантактаў, павелічэнні ўзаемных паставак сельскагаспадарчай і харчовай прадукцыі. Таксама казахстанскі бок накіруе спіс 65 гаспадарак, зацікаўленых у будаўніцтве малочнатаварных комплексаў. Акрамя таго, Беларусь і Казахстан будуць абменьвацца інфармацыяй аб праводзімых мерапрыемствах у галіне сельскай гаспадаркі", - расказалі ў Мінсельгасхарчы.

Таксама бакі адзначылі попыт на ўзаемныя пастаўкі прадукцыі на рынках дзвюх краін.

У Казахстане працуе 260 гандлёвых аб'ектаў па продажы беларускіх прадуктаў харчавання. Цяпер ідзе работа па напрамку адгрузак прадуктаў па стандарце "Халяль".

версія для друку

зрабіць стартавай

дабавіць у выбранае