Бізнес-навіны

Патэнцыял Беларусі ў санаторным і медыцынскім турызме прэзентавалі ў Маскве

Фота пасольства Беларусі ў Расіі

14 верасня, Масква /Эдуард Півавар - БЕЛТА/. Прэзентацыя патэнцыялу Беларусі ў санаторна-курортным аздараўленні і медыцынскім турызме адбылася 14 верасня ў Маскве ў Дзелавым і культурным комплексе беларускага пасольства ў Расіі, паведамілі БЕЛТА ў прэс-службе дыппрадстаўніцтва.

Арганізатарам мерапрыемства, на якім магчымасці сваіх устаноў прадставілі кіраўнікі буйнейшых санаторыяў Беларусі, стала Нацыянальнае агенцтва па турызме.

У прывітальным слове саветнік-пасланнік пасольства Аляксандр Шпакоўскі адзначыў высокія кампетэнцыі Беларусі ў сферы медыцынскага турызму і санаторна-курортнага аздараўлення. Ён канстатаваў, што беларускія здраўніцы традыцыйна карыстаюцца вялікім попытам сярод расійскіх турыстаў і ўспрымаюцца як эталон высокай якасці.

"Аляксандр Шпакоўскі адзначыў важнасць супрацоўніцтва паміж дзелавымі коламі Беларусі і Расіі ў гэтай сферы, што садзейнічае паляпшэнню якасці жыцця людзей і фарміруе станоўчы вобраз беларуска-расійскай інтэграцыі", - дадалі ў прэс-службе.

версія для друку

зрабіць стартавай

дабавіць у выбранае