Бізнес-навіны

Пархомчык: беларуская прамысловасць працуе ўстойліва, нягледзячы на санкцыі

22 лістапада, Мінск /Кар. БЕЛТА/. Беларуская прамысловасць працуе ўстойліва, нягледзячы на санкцыі. Аб гэтым заявіў намеснік прэм'ер-міністра Пётр Пархомчык на сумесным пасяджэнні Палаты прадстаўнікоў і Савета Рэспублікі, перадае карэспандэнт БЕЛТА.

"За мінулы перыяд 2023 года прамысловы комплекс дэманструе дадатныя вынікі і ў цэлым устойлівую работу, нягледзячы на санкцыйны націск і іншыя негатыўныя тэндэнцыі. Па выніках студзеня - кастрычніка 2023 года валавы ўнутраны прадукт склаўся на ўзроўні 103,8 працэнта. Аб'ём прамысловай вытворчасці за 10 месяцаў 2023 года склаў 108 працэнтаў да адпаведнага перыяду 2022 года, пры гэтым прырост да ўзроўню студзеня бягучага года склаў 12,1 працэнтнага пункта", - сказаў Пётр Пархомчык.

З улікам бягучай дынамікі ў прамысловым комплексе ўрад прагназуе, што заданне кіраўніка дзяржавы па росце прамысловай вытворчасці на ўзроўні 105-107 працэнтаў па выніках года будзе выканана. У вартасным выражэнні, пачынаючы з мая па лістапад, запасы гатовай прадукцыі знізіліся практычна на Br1 млрд.

Па выніках 9 месяцаў у прамысловасці захоўваецца дадатная дынаміка тэмпаў росту выручкі - 110,1 працэнта да студзеня - верасня мінулага года.

Рэнтабельнасць продажаў у прамысловасці склала 9,5 працэнта пры ўзроўні гэтага паказчыка ў цэлым па краіне - 7,4 працэнта. Намінальная налічаная сярэднямесячная зарплата ў прамысловасці ў верасні склала Br2124, што вышэй за рэспубліканскі ўзровень(Br1939).

версія для друку

зрабіць стартавай

дабавіць у выбранае