Бізнес-навіны

Пархомчык абмеркаваў з кіраўніком Мінпрамгандлю РФ рэалізацыю беларуска-расійскіх інвестыцыйных праектаў

Фота пасольства Беларусі ў Расіі

21 жніўня, Масква /Эдуард Півавар - БЕЛТА/. Віцэ-прэм'ер Беларусі Пётр Пархомчык сёння ў Маскве правёў перагаворы з намеснікам старшыні ўрада Расіі - міністрам прамысловасці і гандлю Дзянісам Мантуравым, паведамляе БЕЛТА.

"На сустрэчы ўдзялілі ўвагу рэалізацыі інвестыцыйных праектаў. Як адзначыў Дзяніс Мантураў, у гэтым напрамку нашы прамысловыя прадпрыемствы набралі добры тэмп і цяпер вядзецца актыўная работа па 16 раней зацверджаных праектах, а таксама ўжо сёння абмяркоўваюцца новыя сумесныя ініцыятывы па такіх напрамках, як авіябудаванне, вытворчасць абсталявання і камплектуючых для прадпрыемстваў сельскагаспадарчага і спецыяльнага машынабудавання і інш.", - гаворыцца ў паведамленні прэс-службы Мінпрамгандлю РФ.

Бакі таксама абмеркавалі рэалізацыю міжурадавага беларуска-расійскага пагаднення аб прызнанні тэхналагічных аперацый, што ажыццяўляюцца на тэрыторыі Саюзнай дзяржавы, якое было падпісана ў верасні 2022 года.

версія для друку

зрабіць стартавай

дабавіць у выбранае